Анлайн-канцэрт Андрэя Мельнікава «Песьні выгнаньня»
20 студзеня а 19-й гадзіне прагучаць песні на вершы паэтаў, якія былі вымушаны пакінуць Беларусь.
Кампанія «Будзьма!» запрашае 20 студзеня а 19-й гадзіне на анлайн-канцэрт Андрэя Мельнікава, падчас якога прагучаць песні з альбома «Песьні выгнаньня» (1995) на вершы паэтаў, якія былі вымушаны пакінуць Беларусь.
Прагучаць песні на вершы Тодара Лебяды, Алеся Гаруна, Ігара Паўлоўскага, а таксама песня «Краіна нараджэння» на словы Марка Шагала ў перакладзе Рыгора Барадуліна. Далучайцеся да прагляду ды знаёмцеся з творамі паэтаў «выгнання». Назву альбому даў зборнік вершаў Тодара Лебяды «Песьні выгнаньня» (1944), у які ўвайшлі вершы паэта, напісаныя ў сталінскіх лагерах.
Глядзець тут: https://youtu.be/5QRCxJxNnfs
Паводле прэс-рэлізу