Еўракамісія выдзеліць Літве дапамогу для вырашэння праблемы з нелегальнымі мігрантамі
Еўракамісія паведаміла аб выдзяленні Літве 36,7 млн еўра экстраннай дапамогі для вырашэння праблемы з нелегальнымі мігрантамі.
Сродкі пойдуць на падтрымку дзейнасці пунктаў прыёму мігрантаў і паляпшэнне інфраструктуры іх выяўлення на мяжы.
Раней Літва, а таксама Польшча, Латвія і Эстонія заклікалі кіраўніцтва ЕЗ узмацніць падтрымку літоўскіх уладаў, у тым ліку фінансавую, для найхутчэйшага пераадолення крызісу на мяжы з Беларуссю.