Чарга з пацыентаў каля паліклінікі ў Наваполацку расцягнулася да вуліцы
Паліклінікі і бальніцы Полацка і Наваполацка перайшлі на рэжым працы ў эпідэміялагічны перыяд.
У панядзелак, 27 верасня, каля наваполацкай гарадской паліклінікі №1 узніклі чэргі з пацыентаў з сімптомамі ВРЗ.
– Чарга пад трыццаць чалавек у бокс прыёму людзей з прыкметамі прастуды заканчваецца на вуліцы. Чарга на флюараграфію – у вестыбюлі. Таксама, з сённяшняга дня, усе супрацоўнікі ўстановы надзелі супрацьчумныя касцюмы або аднаразовыя хірургічныя халаты, – распавядае наведвальніца паліклінікі.
Раней стала вядома, што ў сувязі з ростам захворвання Кавіда і ВРІ, 21 верасня выйшаў загад Міністэрства аховы здароўя №1141. У ім сказана аб пераходзе паліклінік і бальніц на рэжым працы ў эпідэміялагічны перыяд. Спыняюцца прафілактычныя медагляды, аднак змены не датычацца абавязковых і пазачарговых медаглядаў працуючых.
Прымаць рашэнне аб прыпыненні і (або) аднаўленні планавай шпіталізацыі ў шпіталях будуць на месцах самастойна з улікам наяўнай эпідэміялагічнай сітуацыі, гаворыцца ў дакуменце. У Полацку і Наваполацку паліклінікі ўжо перайшлі да новага рэжыму працы:
Акрамя таго, у Наваполацку да 1 лістапада працягнулі афіцыйны масочный рэжым.