У Менску міліцыя будзе правяраць выкананне маскавага рэжыму
Ён абавязковы для выканання ў грамадскіх месцах, дзейнічае па ўсёй краіне з 9 кастрычніка.
У Менску міліцыя будзе правяраць выкананне масачнага рэжыму, паведамляе прэс-служба Менгарвыканкама. Ён абавязковы для выканання ў грамадскіх месцах, дзейнічае па ўсёй краіне з 9 кастрычніка.
Сталічныя ўлады нагадваюць грамадзянам, што ў адпаведнасці з пастановай Міністэрства аховы здароўя (№ 105 ад 6 кастрычніка 2021-га) у грамадскіх месцах трэба не толькі выкарыстоўваць ахоўныя маскі ці рэспіратары, але і вытрымліваць бяспечную дыстанцыю — 1-1,5 метра (пра дыстанцыю ў грамадскім транспарце гаворкі няма). Чыноўнікі папярэджваюць пра маніторынг выканання маскавага рэжыму з удзелам міліцыянераў. Спачатку будуць людзей „проста пераконваць”, а пасля „магчымая адказнасць”.
Акрамя міліцыі, кантраляваць выкананне абавязковага маскавага рэжыму будзе санітарна-эпідэміялагічная служба і Мінтранс. Дарэчы, у сталіцы ўжо штрафавалі за маскі на руках ці спушчаныя ніжэй носа.
Беларускае Радыё Рацыя