Аляксандр Тывадар: Беларускі народ яшчэ далучыцца да барацьбы з нашымі акупантамі
Кіраўнік батальёна аператыўнага рэагавання “Луцьк”, падпалкоўнік распавядае пра фармаванне батальёна, першыя дні вайны і сувязь з беларускім народам.
Аляксандр Тывадар – кіраўнік батальёна аператыўнага рэагавання “Луцьк”, падпалкоўнік распавядае пра фармаванне батальёна, першыя дні вайны і сувязь з беларускім народам.
РР: Распавядзіце, калі ласка, колькі чалавек пад вашым камандаваннем у гэтым батальёне, як ён сфармаваўся і хто ў яго трапіў?
Аляксандр Тывадар: Мы сфармаваліся, як толькі ў нас была першая бамбёжка, у ноч з 23 на 24 чысла, калі бамбілі па нашым аэрадроме. На другі дзень ужо пачалося фармаванне батальёна. Але ў нас яшчэ была грамадзянская арганізацыя, якая яшчэ была ўтвораная ў 2014 годзе пасля тых падзеяў, якія адбыліся ў нас на ўсходзе Украіны. Яна была створаная дзеля таго, каб дапамагаць праваахоўным органам, былі розныя накірункі гэтай арганізацыі, касцяк быў сфармаваны ў асноўных з былых воінаў-афганцаў. І астатніх людзей, якія служылі, якія патрыятычна настроеныя. Моладзі было шмат. І, калі вось адбыўся гэты першы бомбавы ўдар, быў дадзены сігнал, і людзі пачалі збірацца. Горад невялікі, усе адзін аднаго ведаюць, вобласць у нас таксама невялікая. І пачаў фармавацца гэты батальён.
Калі я анансаваў і было дадзенае інтэрв’ю нашым “Валынскім навінам”, у нас было дзве тысячы, на сённяшні дзень – чатыры тысячы. Яшчэ крыху – і мы дойдзем да дывізіі, таму што мы кадравы склад развіваем на базе, згодна пастанове нашага ўраду развіваецца гэта ўсё. Думаю, што бліжэйшым часам мы можам утварыць дывізію, таму што ідзе зладжанасць, адпрацоўка і па розных раёнах нашай вобласці, і ідзе назапашванне рэсурсаў, тэхнікі. Усё ў нас прыбывае, мы фармуемся і адпрацоўваем зладжанасць. Вось такая сітуацыя на сёння.
РР: Пастаянна прыходзіць інфармацыю, што вялікі паток бежанцаў ідзе праз украінска-польскую мяжу, Польшча прыняла больш за мільён уцекачоў з Украіны. Але ёсць і адваротны рух – грамадзяне Украіны вяртаюцца на Радзіму, ужо, здаецца, там больш за 50 тысяч. Ці ёсць у вас таксама такія добраахвотнікі, якія трапілі ў ваш батальён, вярнуўшыся з-за мяжы?
Аляксандр Тывадар: Думаю, што гэта не будзе ваеннай таямніцай, калі я вам скажу: на сёння ў нас ужо вярнулася каля 160 тысяч. У асноўным, як усё адбываецца: жанчын і дзяцей давозяць жа мяжы, перасаджваюцца ў свае машыны, і мужчыны ўсе вяртаюцца ў строй, таму што ёсць розныя катэгорыі мабілізацыі, і ўсе вяртаюцца. Учора, напрыклад, вярнулася з французскага замежнага легіёну першыя трыста чалавек. Усе хлопцы, якія служылі па два тэрміны ў французскім замежным легіёне, грамадзяне Украіны. Яны адразу фармуюцца і сыходзяць ужо на перадавую.
РР: Мне як беларусу таксама цікава запытацца, ці ёсць беларускія добраахвотнікі ў вашым складзе?
Аляксандр Тывадар: У нашым няма, а ва ўкраінскіх падраздзяленнях ёсць. Вы ж разумееце, у нас памежная вобласць, у нас вельмі шмат брацкіх сувязяў з беларускім народам, ёсць родзічы, браты, сёстры, стрыечныя, траюрадныя, зяці, сваты. Гэта ж усё вельмі цесна звязана і пераплецена. Гэта ж векавая гісторыя. І я думаю, што сяброўскі беларускі народ яшчэ далучыцца да барацьбы з нашымі акупантамі.
Цалкам гутарку слухайце ў далучаным файле:
Беларускае Радыё Рацыя