Павел Латушка: Польскія ўлады па-ранейшаму падтрымліваюць беларускія дэмакратычныя сілы
"Беларусы ў большасці супраць Лукашэнкі і беларусы супраць вайны."
Artykuł Павел Латушка: Польскія ўлады па-ранейшаму падтрымліваюць беларускія дэмакратычныя сілы pochodzi z serwisu БЕЛАРУСКАЕ РАДЫЁ РАЦЫЯ.
Размова з кіраўніком Народнага антыкрызіснага ўпраўлення Паўлам Латушкам.
РР: Завершылася сустрэча лідаркі дэмакратычнай Беларусі Святланы Ціханоўскай і кіраўніка Народнага антыкрізіснага ўпраўлення Паўла Латушкі з прэзідэнтам Польшчы Анджэем Дудам. З намі на сувязі Павел Латушка. Якія ў вас уражанні пакінула гэтыя сустрэча?
Павел Латушка: Відаць, пытанне не пра ўражанні. Пытанне, канешне, пра змест і пра вынікі сустрэчы. Я думаю, што гэта галоўнае, што хацелі пачуць усе. Галоўнае, мы бачым, што Польшча займае прынцыповую пазіцыю ў падтрымцы дэмакратычных сілаў беларускага грамадства, якое хоча зменаў у Беларусі. І ўзровень тых палітычных кантактаў, якія абсалютна недасягальныя для рэжыму Лукашэнкі, – гэта і прэзідэнт, гэта і прэм’ер. Раней гэта былі кіраўнікі парламенту. Так што палітычная камунікацыя самая высокая. Другое, яны ставяцца да прадстаўнікоў Беларусі, як да афіцыйных прадстаўнікоў, і гэта таксама вельмі важна. Ёсць такое, можа не прамое, але ўскоснае прызнанне. Трэці фактар: канешне, галоўныя тэмы, якія абмяркоўваліся, гэта сітуацыя ў Беларусі з улікам рэжыма рэпрэсіяў, якія працягваюцца, і нават павелічэннем гэтых рэпрэсіяў. Удзел Лукашэнкі і яго рэжыма ў вайне супраць Украіны. Перспектывы заканчэння вайны ва Украіне. Падтрымка ўкраінскага грамадства. Закраналася таксама пытанне саміту NATO. А таксама пытанне Люблінскага трохкутніка.
РР: Пра ўражанне спытаўся найперш таму, што многіх беларусаў турбуе, ці не змянілася стаўленне вышэйшых польскіх уладаў да беларусаў за гэтыя чатыры месяцы вайны, як, напрыклад, пагоршыліся ўзаемаадносіны, і гэта заўважана, паміж украінцамі і беларусамі.
Павел Латушка: Скажу так, што перадусім ёсць разуменне абсалютнай рознасці пазіцыяў беларускага грамадства і рэжыму Лукашэнкі да сітуацыі ва Украіне, да ўдзелу рэжыму Лукашэнкі ў вайне. Польскія ўлады не атаясамляюць, і гэта менавіта важна. Але, зноў такі, мне падаецца, што адна са спецаперацый, якая была арганізавана, і я не магу выключаць, без удзелу спецыяльных службаў Расеі ці Беларусі, калі была надрукаваная інфармацыя, што 50% беларусаў падтрымліваюць ролю Лукашынкі ў тым, што ён не дапусціў вайны ў Беларусі, не дапусціў удзелу беларускіх войскаў у вайне, як станоўчы момант, гэтае пытанне таксама падымаецца польскімі палітыкамі. І вось тут я хацеў бы даць тлумачэнні, і мне ўдалося іх даць. Па-першае, немагчыма сабе ўявіць сацыялогію ў Беларусі, немагчыма правесці праўдзівае сацыялагічнае апытанне. Усе гэтыя сацылагічныя апытанні – яны абсалютна нерэалістычныя. Таму трэба не дапусціць такога ўспрыняцца ў элітаў дэмакратычнай Еўропы, што нібы беларусы, 60%, гатовыя падтрымаць Лукашэнку. Мы ведаем праўду, што беларусы не змянілі свой пункт гледжання: беларусы супраць Лукашэнкі, не прызнаюць яго кіраўніком дзяржавы. А другое – беларусы ў большасці супраць вайны.
Цалкам размова:
Беларускае Радыё Рацыя.
Artykuł Павел Латушка: Польскія ўлады па-ранейшаму падтрымліваюць беларускія дэмакратычныя сілы pochodzi z serwisu БЕЛАРУСКАЕ РАДЫЁ РАЦЫЯ.