Еўразвяз адрэагаваў на ракетны ўдар РФ па порце Адэсы
Дыпведамства ЕЗ і міністры замежных спраў краін-членаў асудзілі ракетны ўдар па порце Адэсы на наступны дзень пасля падпісання пагаднення па збожжы.
Artykuł Еўразвяз адрэагаваў на ракетны ўдар РФ па порце Адэсы pochodzi z serwisu БЕЛАРУСКАЕ РАДЫЁ РАЦЫЯ.
Дыпламатычнае ведамства ЕЗ і міністры замежных спраў асобных краін-членаў асудзілі нанесены расейскім войскам ракетны ўдар па порце Адэсы на наступны дзень пасля падпісання пагаднення для разблакавання марскога экспарту збожжа з Украіны.
Пра гэта паведамляе „Еўрапейская праўда”.
„ЕЗ рашуча асуджае ракетны ўдар РФ па марскім порце Адэсы. Удар па цэлі, якая вельмі важная для экспарту збожжа, на наступны дзень пасля падпісання Стамбульскіх дамоўленасцей выклікае асаблівае асуджэнне і чарговы раз дэманструе, што Расея поўнасцю грэбуе міжнародным правам і абавязацельствамі”, – заявіў у сваім Twitter галоўны дыпламат ЕЗ Жазэп Барэль.
Паводле апошняга паведамлення ад ОК „Поўдзень”, у выніку ракетнага ўдару па Адэскім марскім гандлёвым порце раніцай 23 ліпеня ўзнік пажар у помпавай станцыі, у само сховішча са збожжам не патрапілі.
Нагадаем, прадстаўнікі Украіны і Расеі ў палацы Далмабахчы ў Стамбуле ў пятніцу падпісалі пагадненне аб стварэнні механізма экспарту ўкраінскага збожжа з чарнаморскіх партоў.
Artykuł Еўразвяз адрэагаваў на ракетны ўдар РФ па порце Адэсы pochodzi z serwisu БЕЛАРУСКАЕ РАДЫЁ РАЦЫЯ.