Футбалісты „Гомеля” завяршылі выступы ў Лізе канферэнцый
Футбалісты "Гомеля" завяршылі выступы ў Лізе канферэнцый, саступіўшы грэчаскаму "Арысу" ў 2-м кваліфікацыйным раундзе.
Artykuł Футбалісты „Гомеля” завяршылі выступы ў Лізе канферэнцый pochodzi z serwisu БЕЛАРУСКАЕ РАДЫЁ РАЦЫЯ.
Футбалісты „Гомеля” завяршылі выступы ў Лізе канферэнцый, саступіўшы грэчаскаму „Арысу” ў 2-м кваліфікацыйным раундзе. У другім паядынку на полі стадыёна „Клеантыс Вікілідзіс” у Салоніках гамяльчане прайгралі 1:2. У самым канцы першай паловы сустрэчы Андрэ Грэй адкрыў лік, на 82-й хвіліне гульні Георгій Гагалашвілі з пенальці аднавіў раўнавагу, а яшчэ праз 10 хвілін Андрэ Грэй забіў свой другі мяч. Тыдзень таму ў першай сустрэчы „Арыс” разграміў уладальніка Кубка Беларусі з лікам 5:1. Чэмпіён Беларусі салігорскі „Шахцёр”, які саступіў у кваліфікацыі Лігі чэмпіёнаў славенскаму „Марыбару”, працягне выступы ў Лізе канферэнцый. У 3-м адборавым раундзе яго супернікам будзе румынскі клуб ЧФР (Клуж-Напака), які перамог па суме дзвюх сустрэч андорскі „Інтэр” – 3:0 (дома) і 1:1 (у гасцях).
Кіеўскае „Дынама” прабілася ў 3-ці круг кваліфікацыі Лігі чэмпіёнаў
У футбольнай Лізе чэмпіёнаў сталі вядомы ўсе пары 3-га кваліфікацыйнага раунда. Футбалісты кіеўскага „Дынама” ў паядынку ў адказ 2-га раўнда ў дадатковы час адолелі ў Стамбуле турэцкі „Фенербахчэ” 2:1. Іх першая сустрэча завяршылася ўнічыю – 0:0. Наступным супернікам кіяўлян будзе аўстрыйскі „Штурм”. Азербайджанскі „Карабах” таксама ў авертайме згуляў унічыю ў гасцях у швейцарскага „Цюрыха” – 2:2. У Баку чэмпіёны Азербайджана перамаглі з лікам 3:2. У 3-м раундзе „Карабах” згуляе з венгерскім „Ферэнцварашам”.
Міхаіл Гардзяйчук вярнуўся ў берасцейскае „Дынама”
Паўабаронца Міхаіл Гардзяйчук падпісаў кантракт з берасцейскім „Дынама”. Пагадненне 32-гадовага футбаліста разлічана да канца бягучага сезона. Разам з „Дынама” Гардзяйчук станавіўся чэмпіёнам Беларусі ў 2019 годзе. Таксама ён выйграў Суперкубак краіны ў пачатку 2020-га. Раней у складзе БАТЭ Гардзяйчук шэсць разоў выйграваў чэмпіянат краіны, 2 разы Суперкубак і аднойчы Кубак Беларусі. У 2017 годзе стаў найлепшым футбалістам Беларусі. Пасля растання з „Дынама” па выніках сезона-2020 паўабаронца працягнуў кар’еру ў латвійскай „Ліепаі”. За паўтара гады ў прыбалтыйскай камандзе згуляў 36 матчаў, у якіх 7 разоў здолеў вызначыцца і яшчэ 4 разы асіставаў сваім партнёрам.
Ілля Івашка стаў чвэрцьфіналістам турніру ў Атланце
Беларускі тэнісіст Ілля Івашка, які мае 53-і нумар сусветнага рэйтынгу, прабіўся ў чвэрцьфінал турніру катэгорыі АТР-250 у амерыканскай Атланце з прызавым фондам 708,5 тысяч даляраў. Мінулай ноччу ў 1/8 фіналу адзіночнага разраду беларус за дзве гадзіны адолеў у трохсэтавым паядынку амерыканскага тэнісіста Стыва Джонсана – 4:6, 6:2, 6:4. У чвэрцьфінале супернікам беларуса будзе яшчэ адзін амерыканец 36-я ракетка планеты Томі Пол.
Беларускае Радыё Рацыя
Artykuł Футбалісты „Гомеля” завяршылі выступы ў Лізе канферэнцый pochodzi z serwisu БЕЛАРУСКАЕ РАДЫЁ РАЦЫЯ.