У Форуме дэмсіл Цапкалы — раскол праз пару месяцаў пасля стварэння
Шэсць сябраў часовай рады абвясцілі аб выхадзе са складу рады.
Artykuł У Форуме дэмсіл Цапкалы — раскол праз пару месяцаў пасля стварэння pochodzi z serwisu БЕЛАРУСКАЕ РАДЫЁ РАЦЫЯ.
Шэсць сябраў часовай рады Форуму дэмакратычных сіл Беларусі — структуры, створанай Валерыем Цапкалам — абвясцілі аб выхадзе са складу рады.
Прычынай для расколу ў структуры, якая існуе ўсяго пару месяцаў, сталі „асобныя ініцыятывы і дзеянні, якія былі агучаныя і зробленыя нібыта ад імя Форуму”.
Напрыклад, з астатнімі ўдзельнікамі Форуму не ўзгаднілі ўдзел яго прадстаўнікоў у „Кангрэсе свабоднай Расеі”. „Працягваем настойваць на тым, што Расея — вораг і акупант, а яе імперыялістычныя амбіцыі прынеслі пагрозу незалежнасці і нацыянальнай свядомасці свабодным краінам і народам”, — гаворыцца ў заяве.
Таксама актывісты крытыкуюць ініцыятыву правядзення выбараў сярод апазіцыі, якую прасоўвае Цапкала. Яны лічаць ідэю не прапрацаванай. Заяву падпісалі Вячаслаў Япішка, Міхаіл Кучараў, Вольга Катовіч, Вадзім Дзмітранок, Вольга Пашкевіч і Таццяна Сівачэнка.
Яна была апублікаваная ў телеграм-канале Форуму, аднак пазней яе выдалілі. Рэпосты захаваліся ў асабістых каналах некаторых аўтараў сумеснай заявы.
Беларускае Радыё Рацыя
Artykuł У Форуме дэмсіл Цапкалы — раскол праз пару месяцаў пасля стварэння pochodzi z serwisu БЕЛАРУСКАЕ РАДЫЁ РАЦЫЯ.