Францыя і Іспанія згуляюць у фінале Еўрабаскета

У матчы паўфіналу "трохкаляровыя" разграмілі каманду Польшчы — 95:54.

Artykuł Францыя і Іспанія згуляюць у фінале Еўрабаскета pochodzi z serwisu БЕЛАРУСКАЕ РАДЫЁ РАЦЫЯ.

Зборная Францыі прабілася ў фінал мужчынскага чэмпіянату Еўропы ў Берліне. У матчы паўфіналу „трохкаляровыя” разграмілі каманду Польшчы — 95:54. Самым выніковым гульцом сустрэчы стаў Гершон Ябуселе, які набраў 22 ачкі.

Таксама ў фінал прабіліся баскетбалісты зборнай Іспаніі.

У другім паўфінале бронзавыя прызёры папярэдняга кантынентальнага першынства перайгралі гаспадароў баскетбалістаў Германіі 96:91.

Фінальны матч 41-га мужчынскага кантынентальнага першынства, а таксама сустрэча за бронзавыя ўзнагароды адбудуцца ў Берліне заўтра.

БАТЭ ўпусціў перамогу ў матчы з „Віцебскам”

У пятніцу стартаваў 22-гі тур чэмпіянату Беларусі па футболе ў вышэйшай лізе. Менскае „Дынама” разграміла „Гомель” — 3:0.

БАТЭ ўпусціў перамогу ў гасцявым матчы з „Віцебскам” — 1:1. „Энергетык-БДУ” абыграў у гасцях „Шахцёр” 1:0. Форвард „Энергетыка”-БДУ Бабір Абдзіхолікаў забіў 21-ы гол у вышэйшай лізе. Нападнік вызначыўся ў канцы першага тайма, падправіўшы мяч у браму пасля ўдару Ільі Грышчанкі.  „Энергетык-БДУ” стаў лідарам чэмпіянату Беларусі. У менскай каманды 44 ачкі, у салігорцаў і менскіх дынамаўцаў — па 43, у БАТЭ 41 ачко (пры гэтым барысаўчане згулялі на матч больш).

Футбольная зборная Беларусі атрымала новую форму

Нацыянальная футбольная зборная Беларусі атрымала новую форму, паведамляе прэс-служба АБФФ. У ёй яна будзе гуляць у Лізе нацый з Казахстанам і Славакіяй. У відэароліку федэрацыі зняўся легендарны беларускі трэнер Эдуард Малафееў. 22 верасня зборная Беларусі згуляе ў гасцях з Казахстанам, а 25 верасня — у Сербіі са Славакіяй.

Валейбалісткі зборнай Беларусі ў трох партыях саступілі саперніцам з каманды Расеі

Жаночая зборная Беларусі па валейболе саступіла 0:3 камандзе Расеі ў таварыскім матчы. Гэта была першая з дзвюх запланаваных гульняў паміж двума калектывамі. Другая сустрэча запланавана на cёння.

Юлія Гатоўка выбыла ў чвэрцьфінале турніру ў Партугаліі

Беларуска Юлія Гатоўка, якая мае 233-і нумар рэйтынгу ВТА, выбыла ў чвэрцьфінале турніру ў партугальскім горадзе Калдаш-да-Раінья з прызавым фондам 60 тысяч даляраў. Наша суайчынніца саступіла прадстаўніцы Даніі Вользе Хелмі — 2:6, 6:2, 6:7 (5:7).

Беларускае Радыё Рацыя

Artykuł Францыя і Іспанія згуляюць у фінале Еўрабаскета pochodzi z serwisu БЕЛАРУСКАЕ РАДЫЁ РАЦЫЯ.