Іспанія перамагла Францыю ў фінале Еўрабаскета
У Берліне на стадыёне "Мэрсэдэс-Бенц Арэна" адбыўся фінальны матч чэмпіянату Еўропы па баскетболе, у якім сустракаліся нацыянальныя каманды Іспаніі і Францыі.
Artykuł Іспанія перамагла Францыю ў фінале Еўрабаскета pochodzi z serwisu БЕЛАРУСКАЕ РАДЫЁ РАЦЫЯ.
У Берліне на стадыёне „Мэрсэдэс-Бенц Арэна” адбыўся фінальны матч чэмпіянату Еўропы па баскетболе, у якім сустракаліся нацыянальныя каманды Іспаніі і Францыі. Гульня завяршылася перамогай іспанцаў з лікам 88:76. Самым выніковым гульцом сустрэчы стаў гулец „Таронта Рэптарс” Хуан Эрнангамес, які запісаў у свой актыў 27 ачкоў. У складзе Францыі лепшым быў Эван Фурнье, які выступае за „Нью-Ёрк Нікс” — 23 ачкі. Баскетбалісты зборнай Германіі перамаглі баскетбалістаў Польшчы ў матчы за бронзавыя медалі Еўрабаскета. Самым выніковым гульцом сустрэчы стаў разыгрываючы бундэсманшафт Дэніс Шродэр. На яго рахунку 26 ачкоў і 6 перадач. У палякаў Міхал Сакалоўскі набраў 18 балаў. Раней немцы выйгравалі медалі чэмпіянату Еўропы ў 2005 годзе. Тады каманда з лідарам Дзіркам Навіцкі заваявала срэбра.
Гарадзенскі „Нёман” і „Менск” згулялі ўнічыю ў чэмпіянаце Беларусі
Футбалісты гарадзенскага „Нёмана” не ўтрымалі перамогу над „Менскам” у хатняй сустрэчы 22-га тура чэмпіянаце Беларусі. На 32-й хвіліне матча ў Гародні гаспадары выйшлі наперад пасля таго, як паўабаронца гасцей Максім Шыла зрэзаў мяч у сваю браму. Мінчане не здаваліся і на 72-й хвіліне гульні лідар іх атак Уладзімір Хвашчынскі зраўняў лік – 1:1. Футбалісты „Тарпеда-БелАЗа” у Жодзіне абыгралі аўтсайдара турніру магілёўскі „Днепр” 1:0. Пераможны мяч на 12-й хвіліне сустрэчы забіў Валер Гарбачык.
Футбалісткі „Дынама-БДУФК” перамаглі „Зорку-БДУ”
Усе фаварыты жаночага чэмпіянату Беларусі па футболе святкавалі буйныя перамогі ў матчах 20-га тура. Лідэр першынства сталічнае „Дынама-БДУФК” на хатняй арэне перамагло мінскую „Зорку-БДУ” 4:0. Віцэ-чэмпіёнкі краіны футбалісткі „Менска” таксама на сваім полі перамаглі гасцей з „Бабруйчанкі” з сухім лікам 13:0. Дакладна з такім жа вынікам футбалісткі „Смаргоні” выйгралі ў гасцях у аўтсайдэра першынства „Гомеля”. Юніёрская зборная Беларусі ў Менску была мацней за берасцейскае „Дынама” – 7:0. Магілёўскі „Дняпро” перамог на выездзе „Віцебск” з вынікам 6:1. Лідыруе „Дынама-БДУФК”, якое набрала 55 ачкоў пасля 19 матчаў.
Гомельскі БЧ перамог „Барысаў-900” у чэмпіянаце Беларусі па міні-футболе
Гомельскі БЧ перамог клуб „Барысаў-900” на фінішы стартавага тура 34-га чэмпіянату Беларусі па міні-футболе. На сваёй пляцоўцы гамяльчане прапусцілі мяч на 6-й хвіліне, а потым дзесяць разоў забілі гасцям 10:1. Дзеючыя чэмпіёны краіны спартоўцы „Сталіцы” абыгралі менскі клуб „Ахова-Дынама” 3:0. Срэбраны прызёр мінулага першынства гомельскі ВРЗ згуляў унічыю ў гасцях у гарадзенскага клуба „УУС-Дынама” – 4:4. Уладальнік бронзы „Менск” разграміў у Светлагорску мясцовы ЦКК – 5:0. Віцебскі „Вітэн” перамог у Менску „Дынама-БНТУ” з лікам 6:1.
„Удзінэзэ” абыграў „Інтэр” і ўзначаліў турнірную табліцу
„Удзінэзэ” у матчы 7-га туры чэмпіянату Італіі на сваім полі ўпэўнена абыграў „Інтэр” — 3:1. Дзякуючы перамозе „Удзінэзэ” з 16 ачкамі ўзначаліў турнірную табліцу серыі „А”. „Інтэр” з 12 ачкамі – шосты. Футбалісты турынскага „Ювентуса” з мінімальнай перавагай саступілі „Монцы” ў сёмым туры чэмпіянату Італіі. „Старая сіньёра” з канца першага тайма гуляла ў меншасці. За ўдар суперніка локцем у жывот чырвоная картка была паказана Анхелю Ды Марыі. Адзіны гол у матчы на 74-й хвіліне гульні на рахунку дацкага форварда „бела-чырвоных” Крысціяна Гютк’яера. „Арсенал” на выездзе разграміў „Брэнтфард” у матчы 8-га тура чэмпіянату Англіі — 3:0 і ўзначаліў турнірную табліцу АПЛ, набраўшы 18 ачкоў. На стадыёне „Цывітас Метрапалітана” ў Мадрыдзе праходзіў матч 6-га тура чэмпіянату Іспаніі. Гулялі „Атлетыка” і „Рэал”, чые сустрэчы называюцца «мадрыдскім дэрбі». Фінальны свісток Хасэ Мунуэра Мантэры зафіксаваў перамогу гасцявой каманды. Лік у матчы на 18-й хвіліне адкрыў Радрыга. На 36-й хвіліне Федэрыка Вальвердэ падвоіў перавагу „Рэала”. У канцоўцы матчу Марыё Эрмоса адыграў адзін мяч. На мяжы асноўнага і дабаўленага часу Эрмоса зноў вызначыўся: Марыё атрымаў дзве жоўтыя карткі за некалькі хвілін і быў выдалены з поля. „Рэал” набраў 18 ачкоў з 18 магчымых і займае ў турнірнай табліцы першае месца.
„Лакаматыў” здзейсніў камбэк пасля 1:4 і перамог „Нёман”
Аршанскі „Лакаматыў” на выездзе ў валявым стылі перамог гарадзенскі „Нёман” у рамках хакейнай Betera-Экстралігі — 6:4. Яшчэ на 33-й хвіліне матчу аршанцы прайгравалі 1:4, але змаглі здзейсніць выдатны камбэк і выіграць гэты паядынак. Хакеісты „Віцебска” абыгралі „Дынама-Маладзечна” 4:3. Галоўнымі героямі сустрэчы сталі Віктар Туркін, які аформіў галявы дубль і Даніл Сцяпанаў. У дынамаўца на рахунку асістэнцкі хет-трык.
„Будаўнік” адолеў клуб „Югра-Саматлор” у Кубку Расеі
Менскі „Будаўнік” на выездзе перамог клуб „Югра-Саматлор” з Ніжневартаўска ў трэцім матчы другога тура папярэдняга этапа Кубка Расеі па валейболе — 3:2. Па выніках двух папярэдніх этапаў барацьбу за трафей працягнуць па тры лепшыя каманды з чатырох груп. На паўфінальнай стадыі, матчы якой пройдуць 3-6 лістапада, 12 клубаў будуць падзелены на тры квартэты, пераможцы якіх выйдуць у вырашальны этап кубкавага розыгрышу.
Беларускае Радыё Рацыя
Artykuł Іспанія перамагла Францыю ў фінале Еўрабаскета pochodzi z serwisu БЕЛАРУСКАЕ РАДЫЁ РАЦЫЯ.