Менскае „Дынама” завяршыла выязную серыю паразай ад „Сочы”
Менскае "Дынама" завяршала выязную серыю матчам з "Сочы" пасля двух паразаў: ад "Салавата Юлаева" 2:3 у авертайме і "Металурга" 1:4.
Artykuł Менскае „Дынама” завяршыла выязную серыю паразай ад „Сочы” pochodzi z serwisu БЕЛАРУСКАЕ РАДЫЁ РАЦЫЯ.
Менскае „Дынама” завяршала выязную серыю матчам з „Сочы” пасля двух паразаў: ад „Салавата Юлаева” 2:3 у авертайме і „Металурга” 1:4. На 9-й хвіліне Сяргей Сапега магутна стрэліў з-пад абаронцы і вывеў менчан наперад, але гаспадары арэны актывізаваліся пад канец першага перыяду. Спачатку большасць рэалізаваў Арцём Мікалаеў, а за секунду да перапынку Кірыл Пецькоў і зусім вывеў сочынцаў наперад. У другім перыядзе менчане перакідалі суперніка, але кіпер „Сочы” справіўся з усімі пагрозамі. І ў заключнай трэці «Дынама» нагнятала абстаноўку каля брамы Траццяка, але закінулі, наадварот, апаненты. На 51-й хвіліне кропку ў матчы паставіў Мікіта Тачыцкі 3:1. Такім чынам, «зубры» пацярпелі тры паразы запар у выязной серыі. Наступны супернік – піцерскі СКА. Матч адбудзецца 1 кастрычніка.
„Шахцёр” закінуў шэсць шайб „Магілёву”
„Шахцёр” разграміў „Магілёў” 6:1 у чарговым матчы Betera-экстралігі чэмпіяната Беларусі па хакею і вярнуў сабе першы радок у турнірнай табліцы, а „Магілёў” застаецца апошнім. „Хімік” упэўнена абыграў „Ліду”, пераможная шайба на рахунку Андрэя Коласава 3:1. „Хімік” пасля дзесяці матчаў мае ў сваім актыве дзесяць балаў, а „Ліда” з пяццю ачкамі. Дубль Аляксандра Ляўко дапамог «Віцебску» перамагчы «Лакаматыў» 4:3. „Мядзведзі” перапынілі бяспройгрышную серыю аршанцаў і пасля дзесяці матчаў ідуць другімі, а „Лакаматыў” – трэці.
Салаўёў дзвюма галявымі перадачамі дапамог „Калгары” „ўсухую” перамагчы „Эдмантан”
У рамках выставачнага матча НХЛ „Калгары” на сваім лёдзе перамог „Эдмантан” — 4:0. Беларускі абаронца „Флэймз” Ілля Салаўёў згуляў у трэцяй пары абароны разам з Маркам Стоўнам. Салаўёў вызначыўся двума галявымі перадачамі пры другім і трэцім узяцці брамки „Ойлерз”. У выніку беларус правёў на лёдзе 14 хвілін, аддаў 2 галявыя перадачы, нанёс 2 кідкі, здзейсніў 2 страты і скончыў сустрэчу з паказчыкам карыснасці „+3”, інфармуе belarushockey.com. Беларускі галкіпер з сістэмы „Каларада” Іван Жыгалаў трапіў пад скарачэнне ў трэніровачным лагеры клуба. 19-гадовы брамнік адпраўлены ў хакейную лігу Антарыё (OHL), дзе будзе выступаць за „Кінгстан Фронтэнакс”. Беларус мінулым летам падпісаў кантракт з гэтай камандай. Нагадаем, што Жыгалаў на драфце НХЛ быў абраны камандай „Каларада Эвеланш” у 7 раўндзе пад агульным 225 нумарам.
Салігорскі „Шахцёр” абыграў „Будаўнік” ў матчы за Суперкубак Беларусі
У сталічным палацы спорту „Уручча” адбыўся матч за Суперкубак па валейболе сярод мужчынскіх каманд. Першы трафей новага сезона аспрэчвалі наймацнейшыя каманды Беларусі – салігорскі „Шахцёр” і мінскі „Будаўнік”. У мінулым сезоне салігарчане чарговы раз заваявалі золата чэмпіянату краіны і сталі пераможцамі розыгрышу Кубка Беларусі, гульцы ж сталічнай каманды пачыналі матч у статусе дзейных уладальнікаў Суперкубка. У выніку 3:2, трафей вяртаецца ў Салігорск. Матч за Суперкубак Беларусі па валейболе сярод мужчынскіх каманд адбыўся шосты раз. Будаўнік станавіўся ўладальнікам трафея ў 2017 і 2021 годзе, на рахунку „Шахцёра” ўжо чатыры перамогі ў розыгрышы.
Івашка выйшаў у чвэрцьфінал турніру ў Сафіі
Беларускі тэнісіст Ілья Івашка выйшаў у чвэрцьфінал турніру катэгорыі АТР-250 у Сафіі з прызавым фондам 534,5 тысячы еўра. У матчы 1/8 фіналу беларус, які займае 71-е месца ў сусветным рэйтынгу, выйграў у дзвюх партыях у балгарскага тэнісіста Рыгора Дзімітрава, у якога 23-я пазіцыя, – 6:4, 7:6 (7:3). Паядынак працягваўся 1 гадзіну 53 хвіліны.
Зборная ЗША першай выйшла ў паўфінал чэмпіянату свету
Зборная ЗША перайграла каманду Сербіі ў матчы 1/4 фіналу чэмпіянату свету – 88:55. Амерыканкі сталі першымі паўфіналісткамі. У паўфінале зборная ЗША сустрэнецца з пераможцам матчу Пуэрта-Рыка – Канада.
Беларускае Радыё Рацыя
Artykuł Менскае „Дынама” завяршыла выязную серыю паразай ад „Сочы” pochodzi z serwisu БЕЛАРУСКАЕ РАДЫЁ РАЦЫЯ.