Расея праводзіць масавы ракетны абстрэл украінскіх гарадоў
15 лістапада ў другой палове дня расейскія войскі сталі абстрэльваць аб'екты крытычнай грамадзянскай інфраструктуры па ўсёй тэрыторыі Украіны.
Artykuł Расея праводзіць масавы ракетны абстрэл украінскіх гарадоў pochodzi z serwisu БЕЛАРУСКАЕ РАДЫЁ РАЦЫЯ.
15 лістапада ў другой палове дня расейскія войскі сталі абстрэльваць аб’екты крытычнай грамадзянскай інфраструктуры па ўсёй тэрыторыі Украіны. Паведамленні пра траплянні ракет і працу СПА паступаюць з розных рэгіёнаў.
Мэр Кіева Віталь Клічко паведаміў, што ў Пячэрскім раёне Кіева было два траплянні, на месцы працуюць медыкі і ратавальнікі. Неўзабаве Клічко паведаміў пра яшчэ адно траплянне ў шматпавярхоўку.
У выніку абстрэлаў у сталіцы Украіны ўводзяцца экстранныя адключэнні святла.
Пазаштатны дарадца МУС Украіны Антон Герашчанка паведаміў пра тое, што ў Кіеве ёсць прынамсі адзін загінулы.
Выбухі былі зафіксаваныя ў Харкаве, там паведамлялася пра праблемы з электрычнасцю, спыніла працу мясцовае метро. Таксама пасля выбухаў з’явіліся перабоі са святлом і вадой у Жытоміры, у некаторых раёнах яны прапалі цалкам.
Без электрычнасці засталася частка Львова, паведаміў мэр горада Андрэй Садовы.
У Роўна нанеслі ўдар па аб’екце крытычнай інфраструктуры, некаторыя часткі горада засталіся без электраэнергіі, паведаміў мэр горада Аляксандр Трацьяк.
Паведамлялася таксама пра выбухі ў Крывым Розе, Адэсе, Ковелі Валынскай вобласці, Чаркаскай, Хмяльніцкай, Цярнопальскай абласцях, а таксама пра працу СПА ў Сумскай вобласці.
Хмяльніцкі, як паведаміў кіраўнік мясцовай абласной дзяржаўнай адміністрацыі, у выніку двух прылётаў часткова застаўся без святла.
«Расейскія тэрарысты нанеслі чарговы спланаваны ўдар па аб’ектах энергетычнай інфраструктуры. Сітуацыя крытычная. Больш за ўсё траплянняў — у цэнтры і на поўначы Украіны.
У Кіеве сітуацыя вельмі цяжкая, ужо ўвялі спецыяльныя графікі аварыйных адключэнняў.
«Укрэнерга» вымушана пачаць экстранныя адключэння святла. Графікі стабілізацыйных адключэнняў пакуль не дзейнічаюць», — заявіў па выніках абстрэлаў намеснік кіраўніка Офіса прэзідэнта Украіны Кірыла Цімашэнка.
nashaniva.com
Artykuł Расея праводзіць масавы ракетны абстрэл украінскіх гарадоў pochodzi z serwisu БЕЛАРУСКАЕ РАДЫЁ РАЦЫЯ.