Наста Лойка не выйшла на волю пасля чарговых 15 сутак
Праваабаронца Наста Лойка не выйшла на волю пасля чарговых 15 сутак арышту — яна знаходзіцца на перазатрыманні ў Першамайскім РУУС.
У РУУС атрымалася перадаць для яе рэчы, лекі і сродкі гігіены, паведамляе @humanconstanta.
Нагадаем, Насту затрымалі 28 кастрычніка. Пазней праваабаронцы двойчы прысудзілі па 15 сутак арышту за «дробнае хуліганства» (арт. 19.1 КаАП).
На мінулым судзе Наста распавяла пра катаванні — супрацоўнік ГУБАЗіК ударыў яе электрашокерам, а адзін з супрацоўнікаў ЦІП вывеў яе ва ўнутраны двор і пакінуў без вопраткі на 8 гадзін, паведамляе „Вясна”.
Artykuł Наста Лойка не выйшла на волю пасля чарговых 15 сутак pochodzi z serwisu БЕЛАРУСКАЕ РАДЫЁ РАЦЫЯ.