Паўднёвая Карэя супраць Партугаліі, Гана супраць Уругвая

Азіяцкая зборная захоўвае шанцы на выхад у плэй-оф, для гэтага ім патрэбна перамога над Партугаліяй і зручны вынік матча, у якім Гана будзе змагацца супраць Уругвая.

Artykuł Паўднёвая Карэя супраць Партугаліі, Гана супраць Уругвая pochodzi z serwisu БЕЛАРУСКАЕ РАДЫЁ РАЦЫЯ.

Пачынаюцца чарговыя матчы 3-га тура чэмпіянату свету 2022 года ў Катары. Партугалія сустрэнецца са зборнай Паўднёвай Карэі.

Партугальская каманда ўжо гарантавала сабе месца ў плей-оф чэмпіянату свету. Каб заняць першае месца ў групе, партугальцам дастаткова згуляць унічыю. Паўднёвакарэйцы набралі адно ачко за два папярэднія матчы. Азіяцкая зборная захоўвае шанцы на выхад у плэй-оф, для гэтага ім патрэбна перамога над Партугаліяй і зручны вынік паралельнага матча, ў якім Гана будзе змагацца супраць Уругвая. Гана займае другое месца ў турнірнай табліцы групы Н, набраўшы тры ачкі. Уругвай мае 1 ачко і на апошнім радку. Увечары таксама згуляюць зборныя Сербіі і Швейцарыі, а таксама  Камеруна і Бразіліі.

Павел Кірыльчык пакінуў пасаду галоўнага трэнера дзяржынскага „Арсенала”

Павел Кірыльчык пакінуў пасаду галоўнага трэнера „Арсенала”, паведамляе прэс-служба дзяржынскага клуба. Кантракт скасаваны па дамове бакоў. Кірыльчык быў часткай клуба з моманту яго заснавання: спачатку як гулец і першы капітан, а з верасня 2020 года, як галоўны трэнер. Менавіта пад кіраўніцтвам Кірыльчыка „Арсенал” дамогся найлепшых вынікаў у сваёй гісторыі — перамога ў першай лізе-2021 і выхад у 1/4 фіналу Кубка Беларусі-2020/2021. Разам з Кірыльчыкам „Арсенал” пакінулі і прадстаўнікі яго трэнерскага штаба: Дзмітрый Тарасевіч і Ігар Ражкоў.

„Шыннік” і „Волга” зацікаўлены ў запрашэнні Уладзіміра Хвашчынскага

Лепшы футбаліст Беларусі сезона-2022 Уладзімір Хвашчынскі можа прадоўжыць кар’еру ў другім дывізіёне Расіі. Ім цікавяцца два клубы з ФНЛ. Гаворка ідзе пра „Шыннік” і „Волгу”. Як паведаміла крыніца „ФНЛ з Ільевым”, кіраўніцтва гэтых клубаў пакуль не ўступіла ў канкрэтныя перамовы з гульцом, аднак хацела б яго бачыць у сваёй камандзе. Таксама існуе інфармацыя, што Хвашчынскага, які напярэдадні пасля заканчэння тэрміну кантракта пакінуў „Мінск”, ужо запрасіў у сталічнае „Дынама” Вадзім Скрыпчанка.

Эбонг – самы дарагі футбаліст „Астаны” па выніках сезона-2022

Самым дарагім гульцом „Астаны” па выніках сезона-2022 стаў 23-гадовы беларускі паўабаронца Макс Эбонг. Transfermarkt ацэньвае кошт хаўбека ў 1,2 мільёна еўра. Другі радок займае 30-гадовы армянскі абаронца Камо Аганесян. Пасля апошняга абнаўлення яго кошт складае 1 млн еўра. Тройку замыкае лепшы бамбардзір „Астаны”, ды і ў цэлым мінулага чэмпіянату Педра Эўжэніа. 32-гадовы партугальскі нападнік падаражэў на 300 тысяч еўра і зараз яго цэннік складае 900 тысяч еўра. Яшчэ адзін беларус, абаронца Дзяніс Палякоў, на пятай пазіцыі – яго кошт ацэньваецца ў 500 тысяч еўра.

Шаранговіч прыняў удзел у матчы, у якім „Нью-Джэрсі” прайграў „Нэшвілу”

У чарговым матчы рэгулярнага чэмпіянату НХЛ „Нью-Джэрсі” ў авертайме саступіў „Нэшвілу” 3:4, але не страціў першую пазіцыю на Усходзе. Падначаленыя Ліндзі Рафа ўзначальваюць табліцу з 39-ю ачкамі. Беларускі форвард „д’яблаў” Ягор Шаранговіч ачкоў не набраў. Ён згуляў 18 хвілін і 57 секунд, нанёс адзін кідок па варотах суперніка, зрабіў адзін хіт, заблакаваў адзін стрэл, двойчы дапусціў страту і здзейсніў адзін перахоп. У пасіве Ягора па выніках матча „-2” у графе карыснасці.
„Вашынгтон” уступіў у авертайме „Сіэтлу” з лікам 2:3. Па ходзе сустрэчы „сталічныя” вялі з перавагай у дзве шайбы. Беларускі нападнік „Вашынгтона” Аляксей Протас згуляў 12 хвілін 28 секунд, зрабіўшы два кідкі па брамцы суперніка, баламі Аляксей не вызначыўся.

Кербер плануе вярнуцца ў тэніс у наступным годзе

34-гадовая нямецкая тэнісістка Ангеліка Кербер, якая завяршыла сезон-2022 у жніўні з-за цяжарнасці, аб’явіла аб намеры вярнуцца назад у вялікі спорт ужо ў наступным годзе.
„Мы бачым, як многія маці могуць не толькі вярнуцца ў вялікі спорт, але і выйграць буйныя турніры. Спадзяюся, што стану адной з такіх і заматывую іншых жанчын вяртацца да іх справы!”, — адзначыла Анжаліка Кербер.

Беларускае Радыё Рацыя

Artykuł Паўднёвая Карэя супраць Партугаліі, Гана супраць Уругвая pochodzi z serwisu БЕЛАРУСКАЕ РАДЫЁ РАЦЫЯ.