Мікалая Казлова перавялі ў магілёўскую турму, не чакаючы разгляду апеляцыі
Не чакаючы разгляду апеляцыйнай скаргі на рашэнне суда, кіраўніка Аб’яднанай грамадзянскай партыі перавезлі з Менска ў Магілёў.
Нагадаем, Мікалай Казлоў быў асуджаны на два з паловай года пазбаўлення волі за ўдзел разам з калегамі па партыі ў адным з маршаў пратэсту.
Адбываць пакаранне Мікалай Казлоў будзе ў Магілёве. Цяпер ён знаходзіцца ў ізалятары магілёўскай турмы №4. У мінулую суботу менавіта адсюль выйшаў на волю член Аб’яднанай грамадзянскай партыі, вядомы блогер Аляксандр Кабанаў.
Усяго цяпер за кратамі знаходзяцца дванаццаць членаў АГП. Тыя, хто пакуль у следчым ізалятары, чакаюць абскарджання прысудаў.
Беларускае Радыё Рацыя
Artykuł Мікалая Казлова перавялі ў магілёўскую турму, не чакаючы разгляду апеляцыі pochodzi z serwisu БЕЛАРУСКАЕ РАДЫЁ РАЦЫЯ.