Калядныя падарункі ад «Кніжнага Возу»
Падрабязней пра гэтыя падарункі распавёў нашаму радыё Міхась - адзін са стваральнікаў гэтай пляцоўкі.
Artykuł Калядныя падарункі ад «Кніжнага Возу» pochodzi z serwisu БЕЛАРУСКАЕ РАДЫЁ РАЦЫЯ.
Платформа пад назваю «Кніжны Воз», дзе размяшчаюцца прафесійна агучаныя кнігі для дзяцей і падлеткаў на беларускай мове, падрыхтавала калядныя падарункі для ўсіх беларусаў.
Пра гэтыя падарункі распавядае Міхась – адзін са стваральнікаў гэтай пляцоўкі:
-На Каляды мы запісалі пяць кніжак. Таксама дамовіліся, што нам дазволяць выкласці два альбомы з каляднымі дзіцячымі песнямі. Першы альбом “Дорыць нам Раство” мы ўжо апублікавалі.
Па словах Міхася, гэтыя падарункі сталі магчымымі, дзякуючы народнаму збору – краўдфандынгу:
-Хацеў бы адзначыць, што ўласна калядная серыя, якую мы запісалі і выкладваем зараз, запісана дзякуючы тым людзям, якія ахвяравалі нам грошы на нашым краўдфандынгу. Гэта, так бы мовіць, першы наш дэбют кніжак, запісаных з гэтага збору. Таму можам сказаць, што гэта падарунак таксама ўсім і ад нашых фундатараў. Віншуем вас з Калядамі!
Ужо зараз на прыкладанні „Кніжны воз” даступныя 30 кніг. Сярод iх ёсць народныя казкi, легенды i паданнi, сучасныя кнiгi беларускiх i замежных аутараў. Гэта, па словах стваральнікаў прыкладання, займае наступны аб’ем гуку: паўгадзіны ў дзень кнігі можна слухаць цэлы год.
Беларускае Радыё Рацыя
Artykuł Калядныя падарункі ад «Кніжнага Возу» pochodzi z serwisu БЕЛАРУСКАЕ РАДЫЁ РАЦЫЯ.