Протас прыняў удзел у пераможным паядынку „Вашынгтона” супраць „Атавы”
У чарговым матчы рэгулярнага чэмпіянату НХЛ "Вашынгтон" на выездзе перамог "Атаву" — 3:2 у авертайме.
Artykuł Протас прыняў удзел у пераможным паядынку „Вашынгтона” супраць „Атавы” pochodzi z serwisu БЕЛАРУСКАЕ РАДЫЁ РАЦЫЯ.
У чарговым матчы рэгулярнага чэмпіянату НХЛ „Вашынгтон” на выездзе перамог „Атаву” — 3:2 у авертайме. Беларускі форвард гасцей Аляксей Протас правёў на пляцоўцы 6 хвілін 48 секунд, выніковымі дзеяннямі не адзначыўся, скончыў сустрэчу з паказчыкам карыснасці „0”.
У 35 паядынках сезона на рахунку Протаса 7 (3+4) ачкоў. Расейскі форвард «Вашынгтона» Аляксандр Авечкін пабіў рэкорд па колькасці кідкоў за ўсю гісторыю НХЛ. Ён нанёс шэсць кідкоў на працягу паядынку. Тым самым форварду ўдалося пабіць рэкорд. Цяпер на рахунку Авечкіна 6211 кідкоў за кар’еру. Ён перасягнуў Рэя Бурка, у якога 6209 кідкоў за кар’еру
Каўгарэня і Клаўдзіеў падпісалі кантракты з хакейным мінскім „Дынама”
Беларускія хакеісты Цімафей Каўгарэня і Ягор Клаўдзіеў падпісалі двухбаковыя пагадненні з мінскім „Дынама”. 19-гадовы Цімафей Каўгарэня ў гэтым сезоне гуляў за „Дынама-Шыннік” у Маладзёжнай хакейнай лізе, у 23 матчах за „баброў” абаронца набраў12 (4+8) ачкоў. Раней Каўгарэня таксама выступаў за „Менскіх зуброў”, „Дынама-Маладзечна” ў экстралізе і „Спокан Чыфс” у WHL.
Ягор Клаўдзіеў пачынаў бягучы сезон у салігорскім „Шахцёры”, у 19 гульнях за які набраў 3 (2+1) ачкі. Затым 19-гадовы нападнік перабраўся ў „Дынама-Шыннік” і ў 3 матчах МХЛ запісаў на свой рахунак 3 (0+3) балы. Акрамя таго, у форварда ёсць вопыт гульні ў Паўночнай Амерыцы за „Седар Рэйпідс” (USHL) і „Летбрыдж Харыкейнс” (WHL). У сезоне 2020/21 Клаўдзіеў выступаў за „Мінскіх зуброў” і „Дынама-Маладзечна”. Наступны матч у рэгулярным чэмпіянаце КХЛ сталічнае „Дынама” правядзе заўтра ў гасцях у чарапавецкай „Северсталі”.
Сабаленка згуляе з першай ракеткай свету на турніры ў Дубаі
На камандным выставачным турніры World Tennis League у Дубаі (ААЭ) адбудуцца заключныя сустрэчы папярэдняга этапа і вызначацца ўдзельнікі фінальнага матча, паведамляе карэспандэнт БЕЛТА. Каманда „Сокалы”, у якой гуляе лепшая беларуская тэнісістка Арына Сабаленка, сустрэнецца з „Коршунамі”. Сёння беларуска, якая займае 5-е месца ў сусветным рэйтынгу, згуляе з першай ракеткай планеты полькай Ігай Свёнтэк. Нядаўна ў паўфінале выніковага турніру Жаночай тэніснай асацыяцыі (WTA) у амерыканскім Форт-Уорце Сабаленка абыграла Свёнтэк у трохсетавым паядынку – 6:2, 2:6, 6:1.
Гол Рышарлісана прызнаны лепшым на мундыялі
Па выніках галасавання заўзятараў гол нападніка зборнай Бразіліі Рышарлісана нажніцамі праз сябе Сербіі прызнаны лепшым на ЧС-2022.
Таксама на прыз прэтэндавалі Салем Аль-Досары з Саудаўскай Аравіі, уласна яшчэ адзін гол Рышарлісана Паўднёвай Карэі пасля прыгожай камбінацыі, галы Нідэрландца Кодзі Гакпа, аргенцінца Энца Фернандэса, камерунца Венсана Абубакара, мексіканца Луіса Чавеса, француза Кіліяна Мбапэ, карэйца Пайк Сын Хо і бразільца Неймара.
Трохразовага алімпійскага чэмпіёна выкрылі ў прыёме эрытрапаэтыну
Трохразовага алімпійскага чэмпіёна па цяжкай атлетыцы Люй Сяацзюня часова адхілілі ад спаборніцтваў з-за станоўчага допінг-тэсту. Пра гэта паведаміў ТАСС са спасылкай на Міжнароднае агенцтва допінг-тэставання. У спробе кітайскага спартоўца ад 30 кастрычніка выявілі эрытрапаэцін — забароненае Сусветным антыдопінгавым агенцтвам рэчыва, якое паляпшае доступ кіслароду да мышцаў і павышае цягавітасць. За прымяненне эрытрапаэціну ў 2012 годзе быў пажыццёва дыскваліфікаваны легендарны амерыканскі велагоншчык Лэнс Армстранг. Таксама гэты прэпарат знаходзілі ў допінг-пробах іншых спартоўцаў, у тым ліку лыжніцы Ларысы Лазуцінай.
Беларускае Радыё Рацыя
Artykuł Протас прыняў удзел у пераможным паядынку „Вашынгтона” супраць „Атавы” pochodzi z serwisu БЕЛАРУСКАЕ РАДЫЁ РАЦЫЯ.