ЗША, Нідэрланды і Японія абмяжуюць доступ Кітаю да тэхналогій вытворчасці чыпаў
Пагадненне накіраванае на тое, каб падарваць магчымасці Кітая ў стварэнні ўласных магутнасцяў па вытворчасці мікрасхем на ўнутраным рынку.
Artykuł ЗША, Нідэрланды і Японія абмяжуюць доступ Кітаю да тэхналогій вытворчасці чыпаў pochodzi z serwisu БЕЛАРУСКАЕ РАДЫЁ РАЦЫЯ.
Злучаныя Штаты заключылі пагадненне з Нідэрландамі і Японіяй аб абмежаванні экспарту перадавых машын для вытворчасці чыпаў у Кітай. Падрабязнасці здзелкі даведаўся Bloomberg.
Па дадзеных выдання, пагадненне накіраванае на тое, каб падарваць магчымасці Кітая ў стварэнні ўласных магутнасцяў па вытворчасці мікрасхем на ўнутраным рынку. Для гэтага заходнія саюзнікі распаўсюдзяць меры экспартнага кантролю ЗША на кампаніі, якія базуюцца ў саюзных краінах, у тым ліку ASML, Nikon, Tokyo Electron.
Публічна аб’яўляць аб абмежаваннях саюзнікі не будуць, а фактычнае ўкараненне абмежаванняў расцягнецца на месяцы, паколькі краіны завяршаюць юрыдычнае афармленне дамоўленасцей.
Раней паведамлялася, што асноўныя краіны-вытворцы мікрасхем, уключаючы ЗША, Рэспубліку Карэя і Японію, фармуюць альянсы і наладжваюць партнёрства ў паўправадніковай прамысловасці, каб не дазволіць Кітаю выйсці на перадавыя пазіцыі ў галіны.
Artykuł ЗША, Нідэрланды і Японія абмяжуюць доступ Кітаю да тэхналогій вытворчасці чыпаў pochodzi z serwisu БЕЛАРУСКАЕ РАДЫЁ РАЦЫЯ.