Правакатара з чат-рулеткі, па чыіх наводках затрымлівалі людзей, звольнілі з польскай фірмы
Вядома, што Юрый Комар працаваў ў фірме, зарэгістраванай у Беластоку, і ажыццяўляе грузаперавозкі з Кітая, Расеі і Беларусі ў краіны ЕЗ.
Artykuł Правакатара з чат-рулеткі, па чыіх наводках затрымлівалі людзей, звольнілі з польскай фірмы pochodzi z serwisu БЕЛАРУСКАЕ РАДЫЁ РАЦЫЯ.
Польская фірма скасавала працоўныя адносіны з дальнабойшчыкам-правакатарам з Мазыра Юрыем Комарам, пасля размоў з якім у сэрвісе «чат-рулетка» затрымлівалі беларусаў. Пра гэта паведаміў адзін з праўладных тэлеграм-каналаў.
Вядома, што Юрый Комар працаваў ў фірме, зарэгістраванай у Беластоку, і ажыццяўляе грузаперавозкі з Кітая, Расеі і Беларусі ў краіны ЕЗ.
Пасля таго як інфармацыя пра Юрыя трапіла ў сеціва, яго працадаўца скасаваў з ім працоўныя адносіны.
«Мне давялося звольніцца», — сказаў Юрый у стрыме 1 лютага, пры гэтым ён падкрэсліў, што не лічыць сябе правакатарам. Ён таксама адзначыў, што з ім ужо звязваліся людзі «з усіх частак свету», якія прапаноўвалі яму сваю дапамогу.
З канца лістапада Юрый у сваім канале «Бело росс» пачаў выкладваць аднастайныя відэа, запісаныя падчас зносін у папулярным сэрвісе «Чат-рулетка». Размаўляючы з выпадковымі беларусамі, Комар выдаваў сябе за ўкраінца і імкнуўся справакаваць іх на выказванні, якія могуць стварыць людзям праблемы з уладамі.
Artykuł Правакатара з чат-рулеткі, па чыіх наводках затрымлівалі людзей, звольнілі з польскай фірмы pochodzi z serwisu БЕЛАРУСКАЕ РАДЫЁ РАЦЫЯ.