Міліцыя будзе навучаць народнае апалчэнне карыстацца зброяй
Міліцыя будзе дапамагаць у навучанні народнаму апалчэнню і непасрэдна ім кіраваць. Пра гэта ў праграме „Тыдзень” на тэлеканале СТВ заявіў міністр унутраных спраў Іван Кубракоў.
-
Фота: скраншот з відэа СТВ
«Што да апалчэння, то супрацоўнікі міліцыі будуць непасрэдна імі кіраваць. І міліцыя будзе аказваць дапамогу ў навучанні. У навучанні валодання зброяй, у навучанні, як несці службу, што неабходна рабіць. І на сёння, я хачу сказаць, такіх людзей вельмі шмат. Хачу заўважыць, гэта не толькі будзе непасрэдна апалчэнне падпарадкоўвацца начальніку, напрыклад, раённага аддзела міліцыі. Гэта можа быць проста ўчастковы інспектар міліцыі, які абслугоўвае той ці іншы ўчастак. І ён будзе кіраваць народным апалчэннем як чалавек, які ведае людзей, якому людзі вераць і за якім людзі пойдуць», – распавёў ён.
Міністр таксама адзначыў, што зброя проста так выдавацца не будзе, і ўсім патэнцыйным апалчэнцам трэба будзе прайсці праверку.
Нагадаем, па словах міністра абароны Віктара Хрэніна, колькасць апалчэння можа скласці 100-150 тыс. чалавек. Ім маюць намер выдаваць стралковую зброю, якая будзе захоўвацца пры іх.
Artykuł Міліцыя будзе навучаць народнае апалчэнне карыстацца зброяй pochodzi z serwisu БЕЛАРУСКАЕ РАДЫЁ РАЦЫЯ.