Беларус Віталь Пінчук увайшоў у лік лепшых гульцоў першага раунда плэй-оф КХЛ

Форвард менскага "Дынама" Віталь Пінчук прызнаны лепшым навічком першага раунда розыгрышу Кубка Гагарына.

Artykuł Беларус Віталь Пінчук увайшоў у лік лепшых гульцоў першага раунда плэй-оф КХЛ pochodzi z serwisu БЕЛАРУСКАЕ РАДЫЁ РАЦЫЯ.

Кантынентальная хакейная ліга вызначыла лепшых гульцоў першага раунда плэй-оф Кубка Гагарына, які завяршыўся напярэдадні. Лепшым навічком першага раунда розыгрышу Кубка Гагарына прызнаны форвард менскага „Дынама” Віталь Пінчук.

У шасці матчах „зуброў” супраць санкт-пецярбургскага СКА 21-гадовы хакеіст зарабіў 4 (2+2) выніковыя балы, а шайба Пінчука ў першай гульні супраць „армейцаў” стала для менскай каманды пераможнай. Акрамя таго, на рахунку беларускага нападніка тры сілавыя прыёмы і тры заблакаваныя кідкі. Другі раунд плэй-оф Кантынентальнай хакейнай лігі стартуе ўжо заўтра. Хакеісты СКА правядуць першы матч у серыі супраць ніжагародскага „Тарпеда”.

Андрэй Разін можа ўзначаліць менскае «Дынама»

Галоўны трэнер „Северсталі” Андрэй Разін пакіне сваю пасаду, — паведамляе „Спорт-Экспрэс”. 49-гадовы спецыяліст узначальвае чарапавецкую каманду з лістапада 2018 года. У бягучым сезоне „Северсталь” выйшла ў плэй-оф, дзе ў першым раундзе саступіла ЦСКА з лікам 3-4 у серыі. Па некаторых звестках, спецыліст у наступным сезоне ўзначаліць менскае «Дынама».

„Атыраў” Жукоўскага на выездзе адолеў „Мактаарал”

„Атырау”, які ўзначальвае Віталь Жукоўскі, у матчы трэцяга тура казахстанскай прэм’ер-лігі на выездзе перайграў „Мактаарал” — 1:0.

У складзе гасцей галкіпер Ягор Хаткевіч, абаронца Мікіта Сцяпанаў і хаўбек Ігар Стасевіч у якасці капітана правялі ўвесь паядынак. У гаспадароў капітан каманды Руслан Юдзянкоў таксама адыграў „ад званка да званка”. „Атырау” з сямю ачкамі займае пятае месца.

Уладзімір Есін будзе гуляць за „Смаргонь”

Расейскі абаронца Уладзімір Есін вызначыўся з клубнай прапіскай. 28-гадовы гулец пасля заканчэння мінулага сезона пакінуў Мазыр, але не вышэйшую лігу. Есін заключыў кантракт са „Смаргонню”, якая якраз вярнула сабе месца ў эліце. Такія звесткі мае football.by.

Ці здолее «Ліверпуль» адыграцца з 2:5?

Сёння пройдуць чарговыя матчы ў адказ 1/8 фіналу Лігі чэмпіёнаў.

Першы паядынак у Германіі паміж „Айнтрахтам” і „Напалі” завяршыўся нечакана лёгкай перамогай з лікам 2:0. Пасля гэтага ў апошнім туры Серыі А італьянскі клуб абыграў „Аталанту”, пасля чаго на 18 ачкоў адарваўся ад найбліжэйшых праследнікаў.

„Франкфурт” здзяйсняе адну з самых складаных паездак у Еўропе ў разгар чатырохматчавай бязвыйгрышнай серыі, а апошняя няўдача „іглз” прыйшлася на нічыю 1:1 супраць „Штутгарта”, якому пагражае вылет. Сёння не чакаецца сюрпрызаў – «Напалі» выглядае відавочным фаварытам.

„Рэал” вітае „Ліверпуль” на „Санцьяга Бернабеу” пасля пераканаўчай перамогі ў першым матчы з лікам 5:2, якая паставіла „сметанковых” на парог таго, каб яны здолелі разбурыць мары сваіх гасцей аб Лізе чэмпіёнаў УЕФА ў трэці сезон запар. Гэта была шостая перамога „Рэала” за апошнія сем сустрэч паміж двума кантынентальнымі гігантамі, уключаючы леташні фінал ЛЧ, у якім іспанскія чэмпіёны заваявалі рэкордную 14-ю карону Кубка Еўропы.

Беларускае Радыё Рацыя

Artykuł Беларус Віталь Пінчук увайшоў у лік лепшых гульцоў першага раунда плэй-оф КХЛ pochodzi z serwisu БЕЛАРУСКАЕ РАДЫЁ РАЦЫЯ.