Кубак Стэнлі. Асістэнцкі хет-трык Ткачука натхніў „Фларыду”

Мінулай ноччу ў плэй-оф НХЛ адбыліся два матчы другога кубкавага раунда.

Artykuł Кубак Стэнлі. Асістэнцкі хет-трык Ткачука натхніў „Фларыду” pochodzi z serwisu БЕЛАРУСКАЕ РАДЫЁ РАЦЫЯ.

Мінулай ноччу ў плэй-оф НХЛ адбыліся два матчы другога кубкавага раунда. „Фларыда”, cвяткаваўшы чацвёртую перамогу запар 4:2, выдатна пачала серыю з „Таронта”.

Сяргей Баброўскі здзейсніў 34 сэйвы. Мэцью Ткачук зрабіў тры выніковыя перадачы. У Заходняй канферэнцыі „Далас” на сваёй пляцоўцы саступіў у авертайме „Сіэтлу” 4:5. У складзе «Даласа» усе шайбы закінуў экс-гулец менскага „Дынама” Джо Павелскі, які толькі-толькі выпісаўся з лазарэта.

Жалдакоў працягнуў кантракт з „Шахцёрам”

Абаронца Рыгор Жалдакоў працягнуў кантракт з салігорскім „Шахцёрам”.
У мінулым сезоне абаронца згуляў у 46 матчах рэгулярнага чэмпіянату і набраў 25 (3+22) балаў пры паказчыку карыснасці „+7”. У плэй-оф на яго рахунку 11 паядынкаў і 2 асісты. Таксама неаднаразова прызнаваўся заўзятарамі лепшым абаронцам месяца, – піша сайт ФХБ.

Экс-гулец БАТЭ Младэнавіч ударыў трох супернікаў за 10 секунд пасля фіналу Кубка Польшчы і атрымаў чырвоную картку

Сербскі абаронца «Легіі» Філіп Младзенавіч, які больш за сем гадоў таму выступаў за БАТЭ, перамог «Ракув» у фінале Кубку Польшчы. Асноўны і даданы час матчу скончыліся 0:0. А ў серыі пенальці перамагла «Легія» 6:5). Прычым, «Ракув» гуляў з перавагай аднаго гульца працяглы час матчу.  Пасля вырашальнага сэйва футбалісты «Легіі» пабеглі на супрацьлеглую палову поля святкаваць поспех да свайго фан-сектара. Па дарозе адбылася сутычка, у якой паўдзельнічаў Младзенавіч. Абаронца за дзясятак секунд умудрыўся ўдарыць адразу трох супернікаў – Віктара Длугаша, Марчына Цэбулю і Жана Карласа. За такія паводзіны Младзенавіч пазней атрымаў прамую чырвоную картку ад арбітра.

«Энергетык-БДУ» паказвае горшы старт у вышэйшай лізе з 2005 года

У 6-м туры чэмпіянату Беларусі «Энергетык-БДУ» саступіў «Гомелю» з лікам 0:1. Для «студэнтаў» гэтая параза стала 4-й запар. Яны з 4 баламі займаюць 13-ы радок у табліцы чэмпіянату.
Для віцэ-чэмпіёнаў мінулага сезона гэта найгоршы старт з 2005 года, калі па выніках 6 тураў у «Энергетыка-БДУ» быў толькі 1 набраны бал. У 2005 годзе «Энергетык-БДУ» выляцеў з Д1, але з 2019 года гуляе ў вышэйшым дывізіёне Беларусі.

Крывушэнка едзе ў Казахстан

Паводле інфармацыі журналіста Айдына Кажахмета, былы галоўны трэнер зборнай Беларусі Ігар Крывушэнка найбліжэйшым часам будзе працаўладкаваны ў Казахстане. У якім канкрэтна клубе апынецца Ігар Мікалаевіч, не ўдакладняецца. 59-гадовы спецыяліст можа стаць трэцім беларусам, які ўзначальвае казахстанскую каманду. Віталь Жукоўскі кіруе „Атырау”, Аляксандр Сяднёў стаіць ля руля „Ардабасы”.

18 красавіка Крывушэнка пакінуў пасаду галоўнага трэнера берасцейскага „Дынама”, якое пры ім прайграла ўсе чатыры матчы вышэйшай лігі, не забіўшы ніводнага гола.

Мудрык 507 хвілін не можа забіць у АПЛ

22-гадовы паўабаронца лонданскага „Чэлсі” Міхаіл Мудрык не можа адкрыць лік забітым галам на працягу 507 хвілін у англійскай прэм’ер-лізе. Міхаіл дэбютаваў за „сініх” 21 студзеня ў матчы 21-га тура з „Ліверпулем”. Паўабаронца прыняў удзел у 12 матчах чэмпіянату Англіі, у якіх вызначыўся дзвюма галявымі перадачамі.

Нагадаем, у турнірнай табліцы „Чэлсі” пасля 34-га тура АПЛ знаходзіцца на 12-м радку, набраўшы 39 ачкоў. Ад зоны вылету каманду аддзяляюць дзевяць ачкоў. Пры гэтым у „сініх” гульня ў запасе. Наступную сустрэчу ў рамках прэм’ер-лігі „Чэлсі” правядзе 6 траўня ў гасцях з „Борнмутам”.

Раналду абышоў  Месі ў спісе самых высокааплатных спартоўцаў па версіі Forbes

Футбаліст Крышціяну Раналду ўзначаліў рэйтынг спартоўцаў з самымі высокімі прыбыткамі за апошні год. У рэйтынгу, які склаў часопіс Forbes, улічваліся заробкі і ўсе прызавыя і бонусы, заробленыя спартоўцамі ў перыяд з 1 траўня 2022 года па 1 траўня 2023 года. Сумарны даход партугальца за апошнія 12 месяцаў быў ацэнены на 136 мільёнаў даляраў. На футбольным полі Роналду зарабіў толькі трэць гэтай сумы – 46 мільёнаў.

На другім радку рэйтынгу апынуўся яго леташні лідар – футбаліст „ПСЖ” Ліянэль Месі. Гадавы прыбытак аргентынца ацэнены на 130 мільёнаў даляраў – гэта столькі ж, колькі і ў мінулым годзе. Роўна палову – 65 млн – Месі прынеслі рэкламныя кантракты. У топ-3 самых высокааплатных спартоўцаў свету ўвайшоў яшчэ адзін футбаліст — форвард зборнай Францыі і „ПСЖ” Кіліян Мбапе. Ён зарабіў за мінулы год 120 млн даляраў, з якіх 100 млн – на футбольным полі.

Далей у топ-10 размяшчаюцца баскетбаліст Леброн Джэймс, баксёр Канэла Альварэс , гальфісты Дастын Джонсан і Філ Мікельсан, баскетбаліст Стэфен Кары, тэнісіст Роджэр Федэрэр і баскетбаліст Кевін Дзюрант.

Беларускае Радыё Рацыя

Artykuł Кубак Стэнлі. Асістэнцкі хет-трык Ткачука натхніў „Фларыду” pochodzi z serwisu БЕЛАРУСКАЕ РАДЫЁ РАЦЫЯ.