Мацвей Купрэйчык: Пераломным момантам для мяне стала затрыманне Сяргея Ціханоўскага
"Госць Рацыі" – Мацвей Купрэйчык – былы супрацоўнік міліцыі, а зараз - прадстаўнік ініцыятывы BYPOL.
Artykuł Мацвей Купрэйчык: Пераломным момантам для мяне стала затрыманне Сяргея Ціханоўскага pochodzi z serwisu БЕЛАРУСКАЕ РАДЫЁ РАЦЫЯ.
„Госць Рацыі” – Мацвей Купрэйчык – былы супрацоўнік міліцыі, а зараз – прадстаўнік ініцыятывы BYPOL.
РР: Што 2020 год змяніў у вашым жыцці?
Мацвей Купрэйчык: У 2017 годзе я прыйшоў пасля Акадэміі МУС у наркакантроль, у гарадское ўпраўленне. І ў мяне была вельмі складаная справа, але вельмі цікавая. Я выкрываў злачынствы, звязаныя з педафіліяй, прастытуцыяй, эскортам і так далей – гэта так званы аддзел нораваў. І калі я прыязджаў дадому, я бачыў сваіх пляменнікаў, маленькіх дзяцей, я разумеў, для чаго я гэта раблю. Я добра разумеў, што гэта складаная праца і яе хтосьці мусіць рабіць.
У 2020 годзе першы самы-самы момант, які змяніў мяне, – гэта затрыманне Сяргея Ціханоўскага. Бо ў затрыманні прымала ўдзел прастытутка па мянушцы “Ламбада”. І мы ў канале BYPOL яшчэ ў самым пачатку далі інфармацыю, што “Ламбада” – гэта “жанчына з нізкай сацыяльнай адказнасцю”, і яна была агентэсай у маім аддзеле, у аднаго з супрацоўнікаў. Я яе асабіста ведаў. Я на гэта гляджу і разумею, што гэта правакацыя. Што гэта робіцца? І ўвесь наш аддзел бачыў яе. Яна два тыдні таму была ў нас у кабінеце, каву з намі піла, інфармацыю прыносіла. І для мяне гэта быў пераломны момант.
Я праводзіў палітінфармацыі з калегамі, казаў што гэта ненармальна – біць людзей. За што? Яны нічога не зламалі, не разбілі. Адзіная вітрына, якая была разбіта, яе разбіў Карпянкоў. І нехта з калегаў мяне здаў начальніку. Ён мяне выклікаў у кабінет і сказаў, што калі ты такі актыўны, будзеш сядзець з гэтымі змагарамі. Я не стаў чакаць. І ў верасні 2020 года з’ехаў за мяжу.
РР: Станісалаў Лупаносаў, супрацоўнік BYPOL у Варшаве, расказаў нашаму радыё, што ў жніўні 2020 года прыкладна 40% супрацоўнікаў ГУБАЗіКа былі на баку народа.
Мацвей Купрэйчык: Я ў ГУБАЗіКу не працаваў, але магу сказаць пра свой аддзел, у нас было значна больш людзей супраць.
РР: А дзе яны зараз?
Мацвей Купрэйчык: А яны ўсе працуюць. У іх ва ўсіх адмазкі: у мяне крэдыты, у мяне дзеці, а ў мяне два гады да той заветнай дваццаткі… Але ў мяне таксама выплаты, я вінен за Акадэмію дурныя грошы. У мяне былі добрыя вынікі працы, у мяне было ўсё нармалёва, але я прыняў рашэнне пакінуць МУС. Бо гэта ненармальна, калі тыя, хто павінен свой народ бараніць, яны яго знішчаюць.
Цалкам гутарку слухайце ў далучаным гукавым файле:
Беларускае Радыё Рацыя
Artykuł Мацвей Купрэйчык: Пераломным момантам для мяне стала затрыманне Сяргея Ціханоўскага pochodzi z serwisu БЕЛАРУСКАЕ РАДЫЁ РАЦЫЯ.