Крысціна Ціманоўская заваявала срэбраны медаль на чэмпіянаце Польшчы па лёгкай атлетыцы
Узнагарода дасталася ёй па выніках жаночага забегу на 100 метраў. Беларуска з польскім пашпартам паказала вынік 11.26 секунды, саступіўшы толькі Эве Свабодзе 18 сотых.
-
Fot. Petr David Josek / AP Photo
Уладзімір Крыкуноў заняў пасаду дарадцы гендырэктара маскоўскага „Дынама”
У 2004 годзе Крыкуноў упершыню ўзначаліў маскоўскае „Дынама”, а ў 2005 годзе перамог з камандай у чэмпіянаце Расtі. Пасаду ён пакінуў у 2008 годзе. З 2018 па 2021 год спецыяліст зноў узначальваў „Дынама” У красавіку 2021-га ён саступіў пасаду Аляксею Кудашаву.
З „Дынама” Крыкуноў станавіўся ўладальнікам Кубка еўрапейскіх чэмпіёнаў (2006) і двойчы быў бронзавым прызёрам чэмпіянату Расtі. Акрамя гэтага, Уладзімір Васільевіч у розныя гады ўзначальваў зборныя Беларусі і Расtі, а таксама мtнскае „Дынама”.
Аляксей Трасцінецкі пакінуў „Мінск” пасля заканчэння тэрміну дзеяння кантракта
У агульнай складанасці ў складзе „Мінска” Трасцінецкі правёў адзінаццаць сезонаў, столькі ж разоў разам з мужчынскай камандай станавіўся чэмпіёнам Беларусі і ўладальнікам Кубка Беларусі.
У мінулым сезоне статыстыка форварда ў 24-х матчах Адзінай Лігі ЗГБ склала 5.5 ачка, 3.2 падбору, 1.3 перадачы, праводзячы каля 24.5 хвілін на пляцоўцы.
Яраслаў Арашкевіч стаў гульцом „Вележа”
Баснійскі клуб заключыў з 22-гадовым экс-паўабаронцам БАТЭ двухгадовы кантракт. Беларускі хаўбек можа дэбютаваць у складзе новай каманды 29 ліпеня, калі „Вележ” у рамках стартавага тура чэмпіянату Босніі і Герцагавіны прыме „Зорку”-09. У мінулым першынстве „Вележ” фінішаваў на шостым месцы.
Ігар Тарлоўскі стаў памочнікам галоўнага трэнера „Арсенала”
Вядомы беларускі спецыяліст увайшоў у трэнерскі штаб Аляксандра Бразевіча. Ігар Віктаравіч пачаў трэнерскую кар’еру ў 2010 годзе ў „Тарпеда”-БелАЗе, дзе прапрацаваў памочнікам галоўнага трэнера 12 гадоў. Перад сезонам-2022 Тарлоўскі змяніў Жодзіна на „Слуцк”, дзе працаваў да моманту пераходу ў стан „чырвона-белых”.
Памёр Андрэй Клімянок
52-гадовы Андрэй Клімянок, які гуляў на пазіцыі абаронцы, правёў больш за 150 матчаў за „Гомель” ва ўсіх турнірах. Клімянок быў у складзе каманды, якая ў 1992 годзе дэбютавала ў першым матчы суверэннага чэмпіянату Беларусі. У пачатку 2000-х гадоў абаронца выступаў за рэчыцкі „Ведрыч”, дзе і завяршыў кар’еру прафесійнага футбаліста, зазначае прэс-служба „Гомеля”.
Беларускае Радыё Рацыя
Artykuł Крысціна Ціманоўская заваявала срэбраны медаль на чэмпіянаце Польшчы па лёгкай атлетыцы pochodzi z serwisu БЕЛАРУСКАЕ РАДЫЁ РАЦЫЯ.