Латушка: Праблема легалізацыі тычыцца ў тым ліку ўрадаў краінаў, дзе знаходзяцца беларусы
Большасць беларусаў выехала ў Польшчу і Літву. Зразумела, і пытанняў іх з легалізацыяй узнікае тут больш.
Пра гэта заявіў прадстаўнік Аб’яднанага Пераходнага Кабінету, кіраўнік Народнага Антыкрызіснага Упраўлення Павел Латушка.
– Важна адзначыць, што гэтая праблема тычыцца не толькі нас, яна тычыцца ў тым ліку ўрадаў і краінаў, дзе знаходзяцца беларусы. Бо калі беларусы трапляюць тут у паза прававое поле і не маюць магчымасці атрымаць даведку ў пасольстве, не маюць магчымасці паехаць у Беларусь, то яны тут знаходзяцца ў неправавой сітуацыі. І ўрадам гэтых краінаў важна вырашыць гэтую праблему, я ў гэтым перакананы.
«Таму мы і ладзім круглыя сталы і рыхтуем адпаведныя даклады, каб вырашыць гэтыя пытанні», – дадаў Павел Латушка.
Беларускае Радыё Рацыя