Соьлж-ГIалахь хIусам елла Бакура схьаялийначу къаночунна
Маршо Радионо яздира шен сайтехь, Азербайджанехь карийна 104 шо долу Алиева Мадина Нохчийчу дIахьажийна хиларх а. ишта Ноьвр-кIоштарчу Алпатовехь йолчу социалан хьукматехь ханна иза дIатаръярх а.
Оршотан суьйранна меттигерчу телевизионан эфирехь сюжет гайтина, Iедало Соьлж-ГIалин Октябрск-кIоштарчу керлачу цIа чу яха хаорах Алиева Мадина.
"Мел оьшург чохь а долуш, маьршша яха таро луш цIа ду и. Оцу хIусамехь йоккхачу стеган Iуналла а деш, дехар ду тIехь да-нана а, гергара нах а боцу ХаджимуратовгIеран ши йиша а, цхьа ваша а", - аьлла, дуьйцу эфирехь.
Кадыров Ахьмадан цIарахчу фондо делла цIа схьаэца ахча аьлла социалан а, къинхьегаман а министраллан векало.
Йоккхачу стаге догIанаш дIадала баьхкинера парламентан спикер Даудов Мохьмад а, муфтий Межиев Салахь а, мехкан куьйгалхочун пресс-секретар Каримов Iалви а.