Цуруев Шарип. ДIадахнарш ас дагалоьцу
Цуруев Шарип. ДIадахнарш ас дагалоьцу
ДIадахнарш ас дагалоьцу,
ХIай, латта, ас йо хьан ойла.
ХIун дисна ца хуьлуш хьоьца?
Ткъа синтем хиллий хьан гойла!
Сан латта маьркIажехь тийча,
Шарйо ас ка шога берчаш.
Ялтин кан хьекъа, хIу дийча,
Ткъа гIовттац хьан эгна бераш.
Уьш ахьа хьайн кийрахь къуьйлу,
Мотт буьллий упханан гIовлех.
Цецвуьйлу, латта, цецвуьйлу:
И дерриг ахь муха лов-те?
Цецвуьйлу: хьо муха лаьтта?
Са детта муха ницкъ кхочу?
Ма дика ду-кха, хIай латта,
Адмийн дог хьан кийрахь доцу.
