Бакъонашларъярхошна а, журналисташна а дина тIелатар листар дIадахдина
Лурчаха Зазадоккхучу баттахь ГIалгIайчоьнан а, Нохчийчоьнан а дозанехь муьлш бу ца хуучу наха тIелатар дина, йиттинера микроавтобус тIехь Соьлжа-ГIала боьлхучу 8 бакъонашларъярхочунна а, журналистшна а, ишта машенан долахочунна а.
Царех виъ дарбан хIусаме кхачийнера. Лазийначара дийцарехь, тIелеттарш нохчийн лоьмаршца йолчу машенкашкахь хиллера, акцентехь буьйцучу оьрсийн маттаца.
Стохка Iай зулам лайначеран адвоката хаамбинера, тIелеттарш муьлш бу къасто аьтто цахиларна, гIуллакх таллар сацийна аьлла. Цул тIаьхьа бутт баьллачул тIаьхьа талламчашка сацам юхаэцийтира.