ДаIишхойн лидеран кIант вийна Шемахь
"Исламан пачхьалкх" шех олучу тобан лидеран Ал - БагIдади Абубакаран кIант вийна Шеман Хомс гIалахь аьлла, хаамбина Рейтерс агенталло, джихIадхошца йоьзначу хаамийн хьостанна тIе а тевжаш. Хомсерчу электростанцина герггахь оьрсийн, шемахойн эскархоша дIахьочу операцехь вийна даIишхо Ал-Бадри Худайфа аьлла, яздо агенталло. И информаци бакъхиларх кхечу хьостанашкахь тоьшаллаш дац.
Ша Ал-БагIдадаи волу меттиг а хууш бац. Амма динчу дIахьедарехь "иза хIинца а дийна хилар" хоуьйту, билгалдоккху Рейтерса.
Хьалхо масийттазза даржийра "Исламан пачхьалкх" шех олучу тобан лидер вийна бохуш, амма хIоразза а бакъ ца дора.
Iамеркан Цхьанатоьхначу Штаташа Ал-БагIдади дуьненаюкъарчу лехамашка велла, иза волчу меттигна айкхалла динчунна 10 миллион долларшкахь ахча кхайкхийна цара.