Таджикистанан Iедало терактан могIара хIоттийна шайн пачхьалкхехь Хатлон махкарчу Дангар юьртахь кIирандийнахь арахьара тIебаьхкинчу туристех 4 вер а, массех лазор а. Делкъал тIаьхьа нисъелла инцидент. Вилспеташ тIехь боьлхучу туристашна тIе машен йиттина зуламхоша, тIаккха бевдда шаьш нах байинчуьра. Iамеркан Штатийн Таджикистанчу векалто бинчу хаамца, ши Iаьмеркахо а, голландхо а, Швейцарин вахархо а вийна, массийттанна чевнаш йина. Таджикистанан полицин урхолло бечу хаамца, машенлелорхочо а, цуьнан пассажираша а тIе герзаш диттина шаьш лазийначарна. Бахьана хууш дац цкъачунна. Маршо Радион Таджикистанерчу офисо бечу хаамца, зуламхой лоьцуш, полицин карах велла цхьаъ, цхьаъ лаьцна, кхоъ лохуш ву.
