Кадыров-Ахьмад-Хьаьжа вина де даздина Петарбухехь, йоккха топп а кхуссуш (видео)
![Кадыров-Ахьмад-Хьаьжа вина де даздина Петарбухехь, йоккха топп а кхуссуш (видео)](https://gdb.rferl.org/7EB6A9DB-1831-4525-8361-9095844767EA_cx0_cy2_cw0_w800_h450.jpg)
Нохчийчуьрчу администрацин куьйгалхо а, цул тIаьхьа президент а хилла Кадыров Ахьмад-Хьаьжа вина де даздина Петарбухехь Петропавловскан гIоьпехь, йоккха топп а кхуссуш. Цунах лаьцна яздо меттигерчу "Фонтанка" зорбанан гIирсо.
Цо яздарехь Нохчийчоьнан куьйгалхочунан Кадыров Рамзанан дехарца меттигерчу "Ахамат" клубан декъашхоша йина и церемони. "Фонтанко" билгалдаккхарехь, даздарехь дакъалоцуш бара нохчийн политикаш а, актер Лановой Василий а. Цо кхоьссира йоккха топ.
Кадыров Ахьмад-Хьаьжа вина 1951-чу шарахь Марсхьокху-беттан 23-чу дийнахь. 2004-чу шарахь Соьлж-ГIалахь "Динамо" стадионехь, бомба а иккхина, кхелхаш цуьнан дара 53 шо.