Нурмагамедов: Вайнахаш даим вайца бу
Дагестанера ММА латархо Нурмагомедов Хьабиб къел ца таьIна ша карзахваккха гIерташ ирландхочо Макгрегор Конора яздинчунна. Нурмагомедовн да "вегош волу кIилло" ву аьлла, яздинера цо шен instagam-чу агIонехь.
Цул тIаьхьа Макгерора яздира Нурмагомедовх лата кечлуш шена гIо деш джиу-джитсух латархо Нохчийчуьра Магомадов Аюб хиларх лаьцна.
Цу посташна жоп луш Instagam-чу шен агIонехь иштта яздина Нурмагомедовс: "Iуьйранна самаваьлча кхийтира cо: тхоьца воцург, иза тхоьца воцуш ву, Вайнахаш даим вайца бу. Ткъа вуьштта, ловзарш, боху, дуьйладелла, оха ладоьгIуш берг тIом ма бай".
Нурмагомедов а, Макгрегор а, летар ву ГIадужу-беттан 6-чу дийнахь Iамеркин Лас-Вегасехь.