Москох летта кавказхой
Юкъаметтигаш къестош, дов иккхинчуьра 18 стаг дIалаьцна полицино Москох. Бу царлахь эрмалой, азербайджанхой, нохчий, гуьржи а. "Москва" хаамийн гIирсо бо и хаам.
Цул совнах, цаьргара яьккхина жIав, травматикан герзан 13 патарма а, ши урс, арматура а. Оршотан суьйранна некъан бохам иккхина хилла Кавказера схьабевлла бахархой юкъахь а болуш. Вовшашка луьйш, олуш дов даьлла, вовшахтасабелла хилла уьш. Кхайкхина баьхкинчу полисхоша 18 а лаьцна, дIавигина: Азербайджанера 8 стаг, Эрмалойчуьра 7 вахархо, Нохчийчуьра 2, Гуьржийчуьра 1 а.
Леттачех кхоъ чевнашца дарбан цIийне вигинера.