Набахтехь воллушехь бозбуанчаллаш лелош хилла тутмакхо
Соьлжа-ГIаларчу Ленинск кIоштарчу кхело бехкевина меттигера вахархо А.Iумар курхаллаш лелорна, даккхий ахчанаш а дохуш. Кхелехь тIечIагIдина, Ставрополан кIоштахь набахтехь хан токхучу цо стохка мобилан телефонехула цхьана шина стагца зIене а ваьлла, уьш Iеха а бина, шинггера а 57 эзар сом ахча даьккхина хилар.
Цул тIаьхьа шина таксхочуьнца зIене а ваьлла, цу шингара ахча схьа а эцийтина, шен телефонан "Киви-кошелек" тIе даккхийтина.
Кху шеран Зазадоккхучу баттахь юха а телефонехула деши духкучу туьканара зудчуьнца юкъарло а дийцина, иза а Iехийна, цхьа миллион 200 эзар соьмана деши даьхьна, цуьнан банкан карти тIе ахча доккху ша а аьлла.
Оцу зудчун телефон тIе 1 миллин 200 эзар ахча даьккхина ша аьлла, тоьшаллина эсмс а яхьийтина хилла цо, цул тIаьхьа оцу йохкархочо кхо ваийтина таксхочуьнга дIаделла цу мехах долу деши.
Шаьш барт ма барра, таксхочо ГIалгIайчуьрчу кхечу таксхочуьнга кхачийна мехала хIумнаш, вукхо Саврополан кIошта а вахана, тутмакхан зудчуьнга дIакхачийна хилла уьш.
Дерриг а теллинчул тIаьхьа кхело 6 шо хан кхачийна А.Iумарна набахтехь яккха.