ГIалгIайчуьрчу кхелаша озабезамаш лелабо аьлла Хазбиевн адвокаташа
ТIаьххьарчу довхаттарехь Хазбиевс дIахьедира, юьхьанца дуьйна шен хиллачу адвокаташца Ибриева Хедица а, Сабинин Андрейца а юха а бартхиларх. Байначу баттахь Хазбиевс ша кхи адвокаташ лохуш ву аьллера.
Еаридийнахь кхелан кхеташоне баьхкинера Хазбиевн агIончаш – шина кIиранах Магасехь митингехь лаьттина жигархой а, ишта мехкан чоьхьарчу гIуллакхийн хилла куьйгалхо Погоров Ахьмад а, юкъаралхо Албаков-Мялшхи Руслан а, меттигерчу "Мемориалан" куьйгалхо Акиев Тимур а, оппозиционеран гергара нах а.
Шаьш чуделлачу кехат тIехь адвокаташа Ибриевас а, Сабинина а билгалдаьккхина, ГIалгIайчохь цхьана кхело мехкан Iедалхошка озабезам боцуш гIуллакх луьстур ца хиларх. Шайгахь информаци ю аьлла цара, ГIалгIайчоьнан куьйгалхочун доттагIаллийн уьйраш хиларх Лакхарчу кхелан урхалхочуьнца. Цундела шеконаш ю церан, Хазбиевн гIуллакх нийцсонца толлур хиларх.
РогIера Хазбиев Мохьмадан довхаттар тIедогIучу кIиранах – 13-чохь хир ду.