Украинах ГIирма дIахадош дуьхьалонаш йина ФСБ-но
Оьрсийчоьно дIалаьцна йолу ГIирма Украинах дIахадош дуьхьалонаш яр дIадерзийна федералан кхерамазаллин сервисо (ФСБ). Цунах лаьцна хаам бина РИА Новости агенталло, ФСБ-н ГIирмерчу дозанан урхаллан зорбан сервисна тIе а тевжаш.
Дуьхьалонийн йохалла 60 сов километр йолу дуьхьалонан система кечйина ю цунна терго ян оьшчучу гIирсаца, шайна юкъахь буьйсанна сурт гойту видеокамераш а йолуш. Оьрсийчоьнан ФСБ-но шаьш и дуьхьалонаш яр доьзна ду боху "луларчу пачхьалкхара тӀеман Ӏалашонца бохамаш бен а, талламаш бен а тобанаш чекхйовла гIерта мегаш хиларца".
ГIирма Украинех дIахадон проект кхочуш ян йолийнера 2015-чу шарахь. Оьрсийчоьнан бюджетера цу Iалашонна дайина 204 миллион сом.