Кху Толаман Денна хIоттийначу гайтамехь стохкачул кIезиг бара дIадахначу бIешарахь фашистех летта нах. Бакъду, сийлаллин тIегIа лагI ца йолуьйту тIекхуьучу чкъоьрнаша – къоначу ветеранех яьккхина яра Соьлж-ГIала. Хьовсархойн цхьана декъо базбора Дуьненан ШолгIачу тIамехь хилла нах, вукхара дозалла дора Ичкери йохош хьийзарна, хьалха мидалш а оьхкина, шаьш гайта баьхкинчу гергарчех. Дисинарг дерриг а дара даима а хIотточу Толаман Дийнан дийнахь ма-хиллара...
