Новости за 11.07.2020

Чолхечу хьолан раж къайкхийна Нохчийчуьрчу пхеа кIоштахь, цIоз даржарна, яздо Regnum агенталло. Ялташна зене йолу са долу хIуманаш гучуевлла Гуьмсан а, Теркйистан а, Шелковскан а, Невран а, Грозненскан а кIошташкахь аьлла, дIахьедина мехкан юьртабахаман министраллан зорбанчаша. Билгалъяьхначу кIошташкахь цIозах кIелхьараяха езаш ю  дуганца а, хьаьжкIашца а, маьлхан хIушца а, иштта кемсех а йийна аренаш. Карарчу заманчохь меттигерчу цIозаца ларош ду шаьш, амма кхерам лаьтта луларчу мехкашкара... Читать дальше...

ТIаьххьарчу дийнахь а, буса а Къилбаседа Кавказехь коронавирусан уьнах кхелхина бархI пациент, вирус къаьстина кхин а 366 стагаца. Эпидеми ца яржийта вовшахтоьхначу оперативан штабан зерашца, Дагестанехь велла кхоъ, Краснодаран а, Ставрополан а мехкашкахь шишша кхелхина, ГIебарта Балкхаройчохь цхьа дархо велла. Верриг а Къилбаседа Кавказехь ун даьржичхьана велла COVID-19 вирусах 860 стаг. ТIаьххаьрчу информацица, Ставрополан кIоштахь бу вирус кхетта нах дукха- 79 стаг: Ставрополан коштахь +79... Читать дальше...

Нохчийчуьрчу чоьхьарчу гIуллакхийн министраллан белхахоша профилактикан барамаш болийна республикехь, садайначул тIаьхьа, воккханиг цхьана а воцуш,  шайн цIенна генахь буьйлабелла лела кегийрхой лоьхуш. Толлуш ю кегийрхой гуллу меттигаш: паркаш, сквераш, яккхий туьканаш, яздо махкарчу хаамийн гIирсаша. Iаржъеллачу хенахь баккхийчех да, нана, я цхьахволу верас уллохь воцуш карабаьхкинчийн дена а, нанна а административан жоьпалла тIедожориг хиларх дIахоуьйтуш, цхьанакхетарш ду дIахьош.

ВуьрхIийтта миллион ахча лачкъийна аьлла, шеконашца кху беттан 10-чохь лаьцначу ГIалгIайчуьрчу Халкъан гуламан депутатан Белхороев Якъубан цIийнах хьоьвсина полисхой. ТАСС агенталло, ницкъаллийн структурашкарчу шайн хьостана тIетевжина, бинчу хаамца, депутат лоцучу дийнахь Сурхо-Хитӏехь дIадаьхьна талламаш бар. Москвара бахкийтинчу полисхоша кхочушбина талламан а, оперативан а барамаш, яздо "Интерфакс" агенталло. Оцу юкъанна, полици БелхороевгIеран цIийнах хьаьжна ца Iаш, цуьнца лаьцначу цуьнан машенлелочун хIусаме а бахана хилла. Читать дальше...