Новости за 05.02.2021

Нон-грата кхайкхийна Оьрсийчоьно кхо дипломат. Уьш бу Швецин а, Польшин а, Германин а Москварчу векалташкара. Цара дакъалаьцна "2021-чу шеран Дечкен-беттан 23-чу дийнахь хиллачу низамехь йоцчу акцешкахь" аьлла довзийтина дипломаташ махкахбахаран бахьана. Гарехь, хьехориг бу оппозиционеран Навальный Алексейн агIолоцуш наха хIиттийна протестан гулам. Карарчу хенахь Москвахь вахана ву Европан Бертан арахьарчу гIуллакхийн урхаллин куьйгалхо Боррель Жозеп. Цкъачунна цо яланза ю хиллачуннна комментари. Читать дальше...

Нохчийчохь тIом марсабаьлла боьдучу 2000-чу шеран Чиллан-беттан 5-чу дийнахь, паспортан низам муха лардо толлу шаьш аьлла, Соьлжа-ГIалин йистехь лаьттачу Алда-Юьрта кхаьчна хилла Петербургера а, Рязанера а махка даьхкина ницкъхойн дакъош (ОМОН). "Лерина операци" йирзина юьртара зуда а, къано а, жима а, воккха а хIаллакварца, нехан цIенош чуьра бахам лачкъорца. Байъинчу нехан терахь кхочу, кеп-кепара йолчу информацица, 52-нна тIера 82-нне. Оьрсийчоьнан Iедало харц ца дина Петербургерчу ОМОН-о... Читать дальше...

Бакъоларъярхой кхоьру Нижний Новгородехь лецна нохчийн кегийнах байъа дIабигина хиларх. Иштта ду сихха гIо кхачочу "Российская ЛГБТ-сеть" программин координаторна Истеев Давидна хетарг. Кхерамах кIелхьара волуш, Оьрсийчуьра дIаваха йолчу ойланца стохка аьхка вахана хилла Нижний Новгороде Магомадов Салахь а, Исаев ИсмаьIал а, амма ца кхиина. "Оппозицехь лаьтта "Осал нах 95" телеграм-канал лелорна лецна хилла уьш а, кхиболу модератораш а кхаьбна набахтехь, кхетош-кхиабо бохуш, КъурIан а Iамадойтуш. Читать дальше...

Нохчийчуьрчу гIелонах ведда лела ши жима стаг лаьцна юхавигина махка; Къилбаседа Кавказан кхаа махкахь массанхьачул а чехка ду белхазаллин болар; Оьрсийчуьра "Спутник V" вакцина хьалал ю боху иза кхоьллинчара

Дуьненахь а рак цамгарна дуьхьал къийсам латтон де ду Чиллан-беттан 4-гIа. Оьрсийчоьнан официалан статистико гайтарехь, онкологин лазаршца нах кIезиг хиларца йоллу пачхьалкхехь билгалъяьлла ю Нохчийчоь. Оцу терахьех ца теша бакъоларъярхой, мелхо а хьал ийгIина догIу боху цара. Масех бахьана довзуьйту бакъоларъярхоша, цамгар марсаяларан: махкара экологи хIаллакхилар а, тIамо йитина хьу а, могушалла таллар а, дарба дар а шайн чоьтах хилар а. Стохкалера шо долалуш Оьрсийчоьнан могушалла Iалашъяран министралло дIахьедира... Читать дальше...

Оьрсийчоьнан Iедал, "эшна меттиг ягIахь", кхин а дукха ницкъ арабаккха дагахь ду митингаш дIасалохкуш. Иштта хаам бина Reuters агенталле Кремлна гергаволчу наха. Агенталлица къамелдинчех цхьамма бахарехь, Дечкен-баттахь хилла протестан акцеш дIасалахка арабаьхна ницкъаш алссам бесто кийча ду Iедал, шолгIачунна хетарехь, гуламашхошцакхин  къизахьавзар ю Кремль кхидIа йолчу хенахь. Масал далош хьостанаша дагалоьцу Беларусехь Лукашенко Александра а, Венесуэлехь Мадуро Николаса а протестхошна бина тIеIаткъамаш. Читать дальше...

COVID-19 уьнна дуьхьал кхоьллина "Спутник V" хьалал ю, цуьнца адамах схьаяьлла цхьа а компонент яц, аьлла, шега динчу хаттарна жоп луш, Гамалеин цетро. Роспотребсоюзо бахарехь, цуьнга дуьххьара кхаьчна оцу кепара хаттар. Оьрсийчуьрчу бусалбанийн урхаллин Улемийн кхеташонан куьйгалхойх волчу Аляутдинов Илдаре Гамалеин центро яздина: "Хьакхех а, я адаман дилхах яьккхина цхьа а сурсат яц цуьнца". Кехатна буха куьг яздинарг ву центран директор Гинцбург Александр, хаам бо РБК агенталло. "Гарехь, ала йиш ю... Читать дальше...

ГIебарта-Балкхаройчоь, Ставропол-мохк, Кхарачой-Чергазийчоь ю Оьрсийчохь белхазаллин болар уггаре чехка долу регионаш. Къинхьегаман министралло 2020-чу шеран Охан-баттера 2021-чу шеран Дечкен-батте кхаччалц долу хьал довзуьйтуш далийначу терахьаша гойту иза. Низамийн проекташ зорбане йохучу портало тIетоьхначу документо бахарехь, тIаьххьарчу 10 бетта чохь пачхьалкхехь официалан белхазалла доьазза гергга лакхаяьлла – 2 миллион гергга стаг ву Iедалан хьукматашкахула белхаш лоьхучу бахархошлахь. ... Читать дальше...

Нижний Новгородехь полицино лаьцна "Российская ЛГБТ-сеть" олучу цхьаьнакхетаралло Нохчийчуьра вада яхначу аьхка аьтто бина хилла ши жима стаг – Магомадов Салахь а, Исаев ИсмаьIал а. Гуьмсе дабигна уьш ницкхоша. "Российская ЛГБТ-сеть" олучу тобанан сихха гIо кхачош йолчу программин координаторе Истеев Давиде дийнахь 3 сахьт даьлча, орца доккхуш, телефон тоьхна а хилла шина нохчочух цхьамма. Оцу хенахь, царна тIечехаш, бетта маьхьарий а хезна телефон чохь Истеевна. Амма Магамадов а, Исаев а вехачу метте сихха дIакхаьчнашехь... Читать дальше...

Лаьцна кхобу Оьрсийчуьра оппозиционер Навальный Алексей сихонца дIахеца веза, аьлла Пачхьалкхан департаментан белхахошца къамелдеш Американ Цхьаьнатоьхначу Штатийн президента Байден Джос. Кху деношкахь шен Оьрсийчоьнан президентаца Путин Владимирца хилла къамел довзйитина Байдена. Ша Путинна дIахаийтина Цхьаьнатоьхна Штаташ Оьрсийчоьнан шогаллах озалуш хилла хан дIаяьллийла, аьлла цо. Оьрсийчоьнера юьйлу харцонаш хьахош Байдена дагадаийтина и пачхьалкх Штатийн харжамашна юкъагIиртина а, кибернетикан тIелетарш айдина лелла а хилар. Читать дальше...