Украинехь кхело цIахь соцучу кепе ваьккхина Окуева Амина ейтарна бехкевеш лаьцнарг; дов айдина Пайхамарна карикатураш яхкарца доьзна иккхинчу протестехь дакъалаьцначунна дуьхьал; Оьрсийчу юха цавар "хьоьху" Ростоврчу журналистана Резникна
Дуьненахь гоьбевлла нах Нохчийчу хьошалгIа кхийкхар - цхьа фарс хилла дIахIоьттина мехкан куьйгалхочунна Кадыров Рамзанна. Кеп-кепарчу хенашкахь хилла цигахь футболехь а, эстрадехь а, кинохь шуьйра бевза нах. Мосвано гIо а деш, цхьабоса масех Iалашо ю Соьлжа-ГIаларчу Iедалхойн хьеший кхайкхарна. Уггар хьалха - республикехь массо а агIор маьрша ду, регионан урхалхо массарна а вевзаш ву, дуьненахь лоруш а ву боху, сурт хIоттор, яздо Кавказ.Реалии портало. Массо а седарчий вайга хьошалгIа КIира хьалха... Читать дальше...
Оьрсийчоьнан президентан пресс-векал Песков Дмитрий реза ца хилла Нохчийчохь нах байъарх лаьцна "Новая газето" арахецначу материалан хьокъехь динчу хаттарна жоп дала, хаам бо ТАСС агенталло. "Сан жоп лойла дац. И материал ешанза ву со. И тайпа материалаш низам лардечу хьукматаша тидаме оьцу, царна хаьа цунах дерг", - аьлла Песковс. Амма цо тешийна журналисташ ша и материал йоьшург хиларх. "Новая газето" бинчу талламан жамIо гайтарехь, документаша тоьшалла до Нохчийчохь 2016 шо доьрзуш, 2017-гIаниг долалуш лаххара а 109 стаг лаьцна хиларх.
Киеверчу апелляцин кхело, изоляторера мукъа а ваьккхина, цIахь Iайта сацам бина Окуева Амина а юьйш, цуьнан цIийнда Осмаев Адам а лазош йина кIело вовшахтохарх шеко йолуш лаьцна волу Каспийскера схьаваьлла Редькин Игорь. Оцу хьокъехь Кавказ.Реалиига хаам бина Осмаевс. "Тоьшаллаш ду дуккха а, генетикан экспертизо луш, амма кхел йолаяла дуккха а хьелаш оьшу. ЦIахь саца дIа ца хьажаво зуламца доьзна гуттар а кIезиг тоьшаллаш дерг а, иза кхелан лаам бу", - элира Осмаевс. Дов листар дахдарна бехке кхел ю... Читать дальше...
"Новая газета" Оьрсийчоьнан ресурсо чIагIдо, Нохчийчохь кхеле а ца хIиттош, хетарехь, 2016-чу шарахь полицин декъана тIелетар дина ву аьлла хеташ, 27 стаг вийна бохуш, яздо "Настоящее время" телеканало. Шаьш бинчу талламан керла жамIаш зорбане даьхна газето, цу тIехь чIагIдо журналисташа и нах байъале хьалха "Исламан пачхьалкх" шех олучу тобанна нуьцкъаша байIат дойтуш хилла цаьрга аьлла. 2016-чу шеран ГIуран-баттахь буьйсанна масех тIелатар дира полисхошна. Кхийсарш йира дуьхь-дуьхьал, ницкъахошкара герз даккха гIоьртинера тIелеттарш. Читать дальше...
2020-чу шарахь Оьрсийчуьрчу Францин векалтанна хьалха дуьхьалонан акцехь дакъалаьцначунна духьал бехктакхаман дов айдина Москвахь, яздо Кавказ.Реалиино. Болам хIоьттинчехь цо "Дождь" телеканалана комментари луш, Мохьаммад Пайхамар сийсазвечарна ницкъаца бекхам бан беза аьллера, яздо Baza канало. Францин векалтанна хьалха пикеташ хIиттийра протестхоша 2020-чу шарахь ГIадужу-беттан 29-чу дийнахь. Векалтанна гонах гулбеллера иттаннаш, шайлахь Дагестанан, ГIалгIайчоьнан бахархой а болуш. Шайх хIора а шайн лаамца веана протест кхайкхо... Читать дальше...
Москварчу Басманный кIоштан кхело кхаа баттанна лаца сацам бина харцхьалеларна Оьрсийчоьнан кикбоксинган чемпион Асадулаев СаIид, хаам бо ТАСС агенталло. "Коммерсанто" яздарехь, иза лаьцна 2017-чу шарахь "Москва-Сити" центрерчу "Око" бIаьвнехь герзаш кхуьйсуш иккхинчу девнехь дакъалаьцна хиларх йолчу шеконца. Кхаа шарахь лехна Асадулаев. Лаьцна иза Одинцово гIалахь видеокамерашца хаавелла. Хулиганаллина бехкевина спортхо, амма цо тIе ца эцна бехк. 2017-чу шеран гурахь "Москва-Сити" центрерчу Crystal Ballroom ресторанехь... Читать дальше...
Коррупцина дуьхьаллаьттачу зорбанехь вевзаш волчу журналиста Резник Сергейс дIахьедина, ша вен дагахь бу ша шен талламашкахь Iорабаьхна нах, аьлла. Карарчу хенахь Оьрсийчоьнан дозанал арахь ву журналист. "Низамхошларчу сан хьосташа соьга дийцарехь, цхьа нах бу (Резника цIерш а йоху церан –редакцин билгалдаккхар) суна тIаьхьабевлла. Царна бовзийтина Москвахь лела "мах", амма со криминалан куьйгашца вен дагахь бу уьш", - дийцина Резник Сергейс Кавказ.Реалиига. Ша вен кхайкхийнарш бизнесменна Узденовн гонера нах бу, боху журналиста. Читать дальше...
ГIалгIайчуьрчу "Э" центран куьйгалхо Эльджаркиев ИбрахIим вер толлучу девнаца доьзна Москварчу Басманный кIоштан кхело дуьненаюкъарчу лехаме велла кхин а ши стаг – Белхороев Муса а, Дудурханов Мухарбек а, хаам бо ТАСС агенталло. Царна бехке дуьллу, стаг а вуьйш, дина талор цара кечдина хилар, террорхойн тоба вовшахтохар, низам а дохош, герзаш лелор. Деношкахь лаца кхайкхийра Дудурханов Аслан. Эльджаркиев вуьйш дакъалаьцна лору талламо лаххара а 11 стага. 2019 шеран юххьехь "Э" центран хьаькам Эльджаркиев ИбрахIимна шозза йира кIело. Читать дальше...
