Новости за 26.06.2021

ТIаьххьарчу дийнахь-буса Къилбаседа Кавказехь коронавирусах велла 41 пациент, цомгуш хилла кхин 556. Iедалшкара болчу хаамца, Краснодар-махкахь уьнан велла 21 вахархо, Ставропол-махкахь – 6, Дагестанехь – 5, ГIалмакхойчохь, Адыгейхь, Нохчийчохь – шишша, Къилбаседа ХIирийчохь, Кхарачой-Чергазийчохь, ГIалгIайчохь – цхьацца. Верриг а пандемин муьрехь COVID-19 цамгарх белларш бу Къилбаседа Кавказехь 11 181 стаг, боху официало. Дийнахь-буса массанхьачул дукха ун хаькхаделла нах бу Краснодар-махкахь, лахара – Къилбаседа ХIирийчохь. Читать дальше...

Сочера Ленинград-махка дехьаеер ю Оьрсийчуьра машенийн чехкалла къовсу "Формула-1" шоу. Иза дIахьор ю керлачу "Игора Драйв" трасси тIехь. Проектан да ву Оьрсийчоьнан президентан Путин Владимиран шичин воI Шеломов Михаил а, ВТБ банк а, ткъа трасса буьллуш дакъалаьцна президентан доттагIийн компанеша – Ковальчук Юрийн а, Путинан доттагIчун Колбин Пётран кIентан Владимиран. "Формула-1" дехьайолуш юйла хаийтина машенийн барамийн куьйгалхочо Доменикали Стефанос. Цо бахарехь, "Игора Драйв" трасси техь хьалхара турнир дIахьор ю 2023-чу шарахь. Читать дальше...

Масех стаг вийна, лазийна наханна урс детташ хьийзинчо Германехь, Баварерчу Вюрцбург гIалин центрехь. Полицино хаам бина, иза лаьцна аьлла. Bild таблоидан информацица, когах герз тоьхна сацийна тIелетархо. Велла цуьнан карах кхо стаг, масех ву чов хилла. Полицино бахарехь, 24 шо долу Сомали махкара схьаваьлла жима стаг ву нахана урс диттинарг. ТIенисбелла нах, дуьхьал гIенташ кхуьйсуш, гIиртина цунна дуьхьало ян. Цкъачунна кхеташ дац, хIун бахьана ду иза тIелатаран. Iедало, хила мега цо динчу зуламца терроран Iалашо... Читать дальше...