Новости за 03.09.2021

Деллачу жIаьлин дакъа квадроциклна тIаьхьа а тесна, видео яьккхинчу берийн дай-наной Нохчийчохь полицин декъа балийнера. Цаьрца а, кхиазхошца а цхьаьна къамел дина Устрада-ГIаларчу полицин декъан белхахоша. Шайн хиллачу цхьанакхетарх видео инстаграме хIоттийна цара. Ролика тIехь цхьахволчу дас чIагIдо, масех дийнахь церан цIенна гена доццучехь и жIаьла делла Iуьллуш хиллера, боьха хьожа а хIоьттина бохуш. Метигерчу вахархочо бахарехь, оцу берашна тIедиллина хилера цо, жIаьлин дакъа лаьттах долла аьлла. Читать дальше...

Хьехархойн а, дешархойн дай-нанойн митингехь къамел динчу Дагестанерчу Цунтинскан кIоштан Гугатли эвларчу вахархочунна Мусаев Мусана йиттина. Меттигерчу школан хьехархочо Тинагаджиев Мохьмада дийцина КавказРеалиига, ХIинжа-ГIала дIавигина Мусаев могушалла Iалашъяран министраллан вертолетца делкъал тIаьхьа аьлла. "Iуьллуш ву иза, вистхуьлуш а вац. Нашатыран спиртах хьожа яккхийтира цуьнга, лазар теден мехий а туьйхира", - дийцина Тинагаджиевс. Цо бахарехь, Мусаевна йиттина пIераскан рузба дирзинчул тIаьхьа, машенахь дIа а вигина. Читать дальше...

Чиллан-баттахь Немцовн Борисан цIарахчу фондо шена делла 10 эзар евро преми таIзар динчу веа жигархочун доьзалшлахь дIасадекъна Навальный Алексейс. Хаам баржийна цунах лаьцна политико шен инстаграмерчу аккаунтехь. Навальныйс бахарехь, Немцовн йоIе Немцова Жанне дехар дина хилла цо, "шел а холчахь болчу" оцу доьзалшна 2,5 эзар евро дIахьажаде аьлла. Коррупцица къийсам латточу Фондан (ФБК экстремистийн организаци а, арахьара агент а лерина Оьрсийчоьнан Iедалша) операторан, экстремизме кхайкхамаш бина аьлла... Читать дальше...

ММА-н латархочо, Hardcore латарийн декъашхочо, Акаб цIарца дика вевзачу Кулицкий Артура шена къинтIераваьккхина Нохчийчоьнан куьйгалхо Кадыров Рамзан, ишта, "Оьрсийчоьнан Iедал а, къам" а. Инстарамерчу шен агIоне хIоттийна цо шина минотехь дIаязйина видео: "Со мелла вара, ас цхьа гIурт бийцина. Со билггал юьхьIаьржа ву"" аьлла, буха а яздина.

Нохчийн халкъан турпалхой, доккхачу декъанна, шейх Мансур, Бенойн Байсангур, Таймин Биболат, Адин Сурхо, уьш гIиртина Нохчийчоь таханалерачу кепе ялон, дIахьедина мехкан куьйгалхочо Кадыров Рамзана. Исторех лаьцна шена хетарг довзийтина цо министрийн кабинетца тIаьххьара дIаяьхьначу шуьйрачу кхеташонехь. "ХIара мохк вайн бу, кхин цхьаьннан а бац. Шейхан Мансуран заманера схьа дуьйна хIу ду вай къийсинарг? Дин лело а, нохчочун кодекс Iалашъян таро хилийта гIерташ къийсам латтийна вай. Вайн халкъан турпалхой схьа а эцна... Читать дальше...

2016-чу шарера 2021-чу шаре кхаччалц Къилбаседа Кавказехь тIемалой бара аьлла хета 250 стаг верах дIахаийтина Росгвардино. ГIаттамхой кечбеш хилла 29 база а йохийна шаьш, боху цара ишта. "2016-чу шарера 2021-чу шаре кхаччалц Оьрсийчоьнан Федерацин Къилбаседа Кавказан территори тIехь йиъ эзар сов леррина операци дIаяьхьна, цигахь вийна 250 тIемало, уьш кечбеш хилла 29 база а,  193 тIемалойн куп а хIаллакйина, 517 къайле карийна", - яздо Новости агенталло, Росгвардин пресс-гIуллакххойн информацина тIетевжина. Читать дальше...

2000-чу шарахь Псковерчу десантхошна тIелатар динчех ву аьлла, таIзаре хIоттийна Нохчийчуьра вахархо Алханов Мохьмад бехке вац аьлла, дIахьедина цуьнан адвокато. Кавказский узел ресурсо бина цунах лаьцна хаам. Цуьнан дегIа тIехь цхьана а тайпа муонаш дац, цо тIемашкахь дакъалаьцна аьлла, тIехула тIе талламо бехкехиларх тоьшаллаш ца далийна. Товбеца-беттан 16-чу дийнахь лаьцна ву, талламо Басаев Шемалан тобанхо лоруш волу Алханов Мохьмад. Дуьйцучу зуламан декъах хилла вац Алханов Мохьмад, тIемаш боьлхучу заманчохь кхиазхо хилла ву иза... Читать дальше...