Туск: СССР йохар яцара вуно йоккха геополитикан катастрофа
"Советан Союз йохар вуно йоккха геополитикан катастрофа яцара. Тахана Гуьржийчохь волуш суна лаьа иза чоггIа а, кхеттош а дIаала: CCCР йохар уьш декъалбар дара гуьржашна а, полякашна а, украинцашна а, ерриг а Юккъерчу а, Малхбалерчу а Европана а. Оьрсашна а цхьаьна", - яздина политико шен твиттерехь.
Советан пачхьалкх йохар вуно йоккха геополитикан катастрофа яра аьллера Оьрсийчоьнан президенто Путин Владимира 2005-чу шарахь Федералан кхеташоне ша хьажийна къамел довзуьйтуш.
Туск Дональд Гуьржийчу вахана "Малбалера накъосталла" цIе йолу Евробертан проект кхоьллина 10 шо кхачарна хьажийначу конференцехь дакъалаца.