Нохчийчохь тIом боьдуш лачкъийна сурт дIаделла нохчийн музейна
Цигахь дакъалоцуш бара пачхьалкхан Третьяковн галерейн инарлан директор Трегулова Зельфира а, Нохчийчуьрчу къоман музейн директор Асталов Ваха а.
Хьалхо хаам бина ма хиллара, суртдиллархочун Головин Александран "Бедуинан йовлакх тиллина Е. Тетевосянан портрет" цIе йолу сурт Соьлж-ГIаларчу музейн хилар хиинчул тIаьхьа Третьяковн цIарахчу галерейн гайтаман юкъардаьккхинера иза.
Цул тIаьхьа Головинан сурт эцначу стага сацам бинера иза Нохчийчоьнан Республикан къоман музейна дIадала. Цунах лаьцна хаам бинера Третьяковн галерейн зорбан сервисо.