Украинхойн кема доьхна ГIажарийчохь, белла пассажираш а, йоллу экипаж а
Пачхьалкхан IRNA агенталло дIахьедо, кеман чохь 167 пассажир а, 9 экипажан декъашхо а вара бохуш. Planespotters сайтан информацица, диъ шо бен ца хилла доьхна кема болхбан доладелла.
ГIажарийчоьнан пачхьалкхан хаамийн гIирсаша хьалхо яздора, верриг а кеман чохь хилларг 180 гергга стаг ву аьлла. Дийцарехь, Тегеранера Киеве даха лерина кема гIаьттина меттигерчу хенаца Iуьйранна 5:15 минот яьлча.
Кеманашна тIехь терго латточу Flightradar 24 сайто социалан машанехь яздина: "Украинхойн кема Тегеранан аэропортера арадаьллачул тIаьхьа доьхна бохуш, кхочучу хаамашна тIехь терго латтош ду тхо".