Шен йиша йийна ГIалгIайчуьрчу вахархочо
![Шен йиша йийна ГIалгIайчуьрчу вахархочо](https://gdb.rferl.org/E777AA1D-F195-476B-A12D-8EE9F12A45C2_w800_h450.jpg)
Ша шен йиша Евлоева Лиза ерах мукIарло дина ГIалгIайчуьрчу вахархочо Могушков Моьмад-Бешара.
РЕН ТВ телеканалан хаамца, йина дуккха а уьрсан чевнаш а йолуш, Магасехь, шен петарахь йийна карийна 33 шо долу Евлоева.
«ГIалгIайчоьнан Керланаш»( "Новости Ингушетии") портало дийцарехь, хьалхо полице вуьгуш, карара а ваьлла, ведда Альтемиров Iиса тIаьххьара а схьалоцуш яьккхина видео гайтира Iедалан меттигерчу телеканало.
Марехь болу зударий маьттаза лелаш видео а йоккхий, уьш нахала цабохург ахчанаш дохуш хилла Аьтемировс.
Ткъа иза велира ша лоцучу муьрехь, пхьоьазза тIекIелдинчу цIийнан корах чу а иккхина. Цуьнца цхьаьна лаьцна Евлоева, дареш а дайтина, дIахецна полицино.
Йишас шайн доьзал юьхьIаьржа хIоттийна аьлла, йийна 37 шо долчу цуьнан вашах Могушковс. Цул тIаьхьа полице а вахана, дIахаийтина цо ша динарг.
Могушковс йиша ерах лаьцна хьахош дац ГIалгIайчоьнан чоьхьарчу гIёуллакхийн министралло шен сайта тIехь.