Украинехь кху шарахь дуьххьара лецнарш хийцина
Оьрсийн сепаратисташа шайн контролехь латточу Донецкан кIоштахь кху шарахь дуьххьара лецнарш дIасахийцина. Украинан Iедалхошка дIавелла 9 стаг. Ткъа украинхойн набахтешкара маьршаваьккхина 10.
Бинчу бертаца кху беттан 9-чу дийнара 11-чу дийне кхаччалц дIасахийца безаш бара тутмакхаш, амма, ДНР-хь омбудсмен йолчу Морозова Дарьяс бахарехь, оьрсийн сепаратистийн карахь йолчу территори тIе дехьавала реза вацара тутмакхехь цхьахверг.
Украинан маьршабаьхначу бахархойн сурт фейсбукерчу шен агIон тIе даьккхинера Лакхарчу Радан омбудсмено Денисова Людмилас:
Коронавирусан эпидеми бахьана долуш шина кIиранна карантинехь буьтур бу маьршабаьхнарш.