Коронавирусах елла ХIирийчуьрчу поликлиникан белхахо
БуьритIерачу №3 поликлиникин белхало елла коронавирусах. 49 шо долчу зудчух ун кхетта хилар билгалдаьлча, Къилбаседа ХIирийчоьнан орцан медицинан клинике йиллина хилла иза.
"Охан-беттан 29-чу дийнахь пехаш шина а агIор дистина долуш кхачийна иза клинике. Цигахь гучудаьлла цунна коронавирус кхеттийла. Лоьрийн дан гIо дацара, реанимацехь дIаяьлла иза", - дийцира "Кавказ.Реалиига" мехкан могашаллин министраллерчу пресс-векалтан белхахочо.
Къилбаседа ХIирийчохь 200 сов медиках хьакхаелла коронавирус, дIахьедина "Осетия-Иристон" телеканалехула мехкан могашаллин министра Гогичаев Тамерлана.
Стигалкъекъа-беттан 7-чу дийнан хаамашца, COVID-19 кхетта хилар гайтина махкарчу 1436 вахархочун тесто.