ГIалгIайчуьра хьаькам бехкевина 3, 5 миллионна пачхьалкхана зен дарна

ГIалгIайчуьра Пенсин фондан белхахочунна дуьхьал айдина бехктакхаман гIуллакх кхеле кхин дIа листа кхачийна. Иза таIзаре хIоттийна, цо Iедалан 3,5 миллион сом лачкъийна аьлла, яздо "Кавказский узел" агенталло, прокуратуран дIахьедарна тIе а тевжаш.


Талламчийн версица, дуьненахь воцучу шина стеган цIарах пенси хIоттийна хилла цо 2011-чу а, 2018-чу а шерашкахь, харц информаци юкъарчу бази чу а йоккхуш. Иштта, харц банкан картанаш дахийтина, пенсеш цу тIе дохуьйтуш хилла цо.






Дерриг а цо шен кисана диллинарг ду 3,5 миллион сом. Бехкевечуьнна ахча охьадиллийтар тIедожош, кхеле латкъамбина ГIалгIайчуьрчу Пенсин фондан декъо. Магасан кIоштан кхеле гIуллакх листа дIахьажийна прокуратурано. Хьаькам бехке хIоттийна Зуламан кодексан 159.6-чу артиклца аьлла, хаамбина ГIалгIайчоьнан прокуратурано шайн сайтехь шинарин дийнахь .